Author: નોબત સમાચાર
ખંભાળિયામાં રહેણાંક મકાનમાંથી ઈંગ્લીશ દારૂની દસ બોટલ સાથે એક ઝબ્બેઃ એકનું નામ ખૂલ્યુું
જુવાનપરના પાટીયા પાસેથી ત્રણ બોટલ સાથે એક પકડાયોઃ
જામનગર તા. ૩૦: કાલાવડના જુવાનપર ગામના પાટીયા પાસેથી ગઈકાલે બપોરે પોલીસે એક શખ્સને ઈંગ્લીશ દારૂની ત્રણ બોટલ સાથે પકડી લીધો છે. જ્યારે ખંભાળિયામાં એક મકાનમાંથી દસ બોટલ દારૂ પકડી લઈ પોલીસે એક શખ્સની ધરપકડ કરી છે તેના સાગરિતનું નામ ઓકાવ્યું છે.
કાલાવડ તાલુકાના જુવાનપર ગામના પાટીયા પાસેથી ગઈકાલે બપોરે પસાર થતાં ધ્રોલ તાલુકાના ખાખરા ગામના જયપાલસિંહ બળુભા જાડેજા નામના શખ્સને પોલીસે શકના આધારે રોકાવી તેની તલાશી લીધી હતી.
આ શખ્સ પાસેથી રોયલ ચેલેન્જ બ્રાંડની વ્હીસ્કીની બે બોટલ તથા બેગપાઈપર વ્હીસ્કીની એક બોટલ મળી આવી હતી. પોલીસે ત્રણેય બોટલ કબજે કરી જયપાલ સિંહની ધરપકડ કરી છે.
ખંભાળિયા શહેરમાં શિવમ્ સોસાયટી-રમાં રહેતા નિરવ દિનેશપરી ગોસ્વામી નામના શખ્સના મકાનમાં ગઈકાલે રાત્રે પોલીસે પૂર્વ બાતમીના આધારે દરોડો પાડી તલાશી લેતા ત્યાંથી ઈંગ્લીશ દારૂની દસ બોટલ મળી આવી હતી. રૂા.૧૩ હજારની કિંમતનો દારૂનો જથ્થો, એક મોબાઈલ સાથે પોલીસે નિરવ ગોસ્વામીની ધરકપડ કરી છે. આ શખ્સે પોતાના સાગરિત પોરબંદરના બાવળવાવ ગામના રાજુ કાનાભાઈનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
