Author: નોબત સમાચાર
રાશનકાર્ડ, ચૂંટણીકાર્ડ, આધાર કાર્ડ મતદારની પાત્રતા માટે ભરોસાપાત્ર નથીઃ નકલી કાર્ડ બન્યા છે!
સુપ્રિમ કોર્ટમાં ચૂંટણી પંચની દલીલ
નવી દિલ્હી તા. રરઃ મતદાર પાત્રતા સાબિત કરવા આધાર કાર્ડ, વોટર આઈડી, રેશન કાર્ડ પર ભરોસો ન કરાય તેવી એસસીમાં ચૂંટણી પંચની દલીલ પછી રાજકારણ ગરમાયું છે.
બિહારમાં ભારતીય ચૂંટણી પંચના આદેશને લઈને વોટર લિસ્ટ રિવિઝનનું કામ શરૃ કરવામાં આવ્યું છે. વળી, બીજી બાજુ વિપક્ષ આ પ્રક્રિયા દ્વારા મતદારોને મતદાનથી વંચિત કરવાનો આરોપ લગાવી રહ્યા છે, જો કે ચૂંટણી પંચે બિહારમાં મતદાર યાદીમાં ચેડાં કરવાના આરોપોને નકારી દીધા છે. બિહારમાં એસઆઈઆર મુદ્દે સુપ્રિમ કોર્ટમાં દાખલ પોતાના જવાબમાં ચૂંટણી પંચે કહ્યું કે, 'અમે મતદાર યાદીમાંથી નકલી મતદારોને દૂર કરવા પોતાની બંધારણીય જવાબદારી નિભાવી રહ્યા છીએ. જેનાથી મતદારોને કોઈ તકલીફ નથી.'
ચૂંટણી પંચે સુપ્રિમ કોર્ટમાં કહ્યું છે કે, આધાર કાર્ડ, મતદાર ઓળખ કાર્ડ અને રાશન કાર્ડ બિહારમાં મતદાર યાદી રિવિઝન માટે માન્ય દસ્તાવેજો નથી, કારણ કે આ દસ્તાવેજો પર ભરોસો કરી શકાય નહીં.
ચૂંટણી પંચે કહ્યું કે, આધાર કાર્ડ ફક્ત એક ઓળખ પ્રમાણ છે. દેશમાં મોટી સંખ્યામાં નકલી રાશન કાર્ડ છે, જેથી હાજર મતદાર કાર્ડ પર નિર્ભર રહેવાથી વિશેષ અભિયાન નિરર્થક બની જશે, જો કે ચૂંટણી પંચે એ વાત પર ભાર મૂકતા કહ્યું કે, મતદાર યાદીમાં નામ ન હોવાના કારણે કોઈ વ્યક્તિની નાગરિક્તા સમાપ્ત નહીં થાય.
મોડી સાંજે સુપ્રિમ કોર્ટમાં દાખલ એક વિસ્તૃત સોગંદનામામાં ચૂંટણી પંચે કહ્યું કે, 'આ પ્રક્રિયામાં કોઈપણ કાયદો અને મતદાતાઓના મૌલિક અધિકારોનું ઉલ્લંઘન નથી થયું. એસઆઈઆર પ્રક્રિયા હેઠળ કોઈ વ્યક્તિની નાગરિક્તા એ આધાર પર સમાપ્ત કરવામાં નહીં આવે કે તેને મતદાર યાદીમાં નોંધણી માટે અયોગ્ય જાહેર કરવામાં આવ્યો છે. નકલી રાશન કાર્ડની વ્યાપક હાજરીને ધ્યાનમાં રાખીને યોગ્યતાની ચકાસણી માટે ૧૧ દસ્તાવેજોની યાદીમાં તેનો સમાવેશ કરવામાં આવ્યો નથી.'
જો કે, આ મુદ્દે રાજકારણ ગરમાયું છે અને વિપક્ષો તડાપીટ બોલાવી રહ્યા છે. આજે બિહાર વિધાનસભાથી દિલ્હીમાં સંસદ સુધી વિપક્ષોએ વિરોધ પ્રદર્શિત કર્યો છે. રાહુલ ગાંધી પછી હવે પ્રિયંકા ગાંધીએ પણ કહ્યું છે કે, આ ચૂંટણી ચોરવાનો પ્રયાસ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
