Advertisement
Author: નોબત સમાચાર

ખંભાળિયાના હાપીવાડી ગામની સીમમાં ખેતરમાંથી ઝડપાઈ દારૂની ૪૫ બોટલ

                                                                                                                                                                                                      

જામનગર તા. ર૮: કલ્યાણપુરના ભાટીયામાંથી પોલીસે એક શખ્સને દારૂની બોટલો સાથે પકડી લીધો છે. ખંભાળિયાના હાપીવાડી સીમ વિસ્તારમાં એક શખ્સે સંતાડી રાખેલી ૪૫ બોટલ એલસીબીએ કબજે કરી છે. જ્યારે ખંભાળિયામાં એક મકાનમાંથી નવ બોટલ દારૂ ઝડપાયો છે.

કલ્યાણપુર તાલુકાના ભાટીયા ગામના ગણેશવાસ માં રહેતા વિજય નાથાભાઈ પારીયા નામના શખ્સને પોલીસે ઈંગ્લીશ દારૂની બોટલો સાથે પકડી લીધો છે. રૂ. ૨૨૦૦નો દારૂનો જથ્થો કબજે કરી પોલીસે તેની સામે કાર્યવાહી કરી છે.

ખંભાળિયા નજીકના હાપી વાડી વિસ્તારમાં એક શખ્સના ખેતરમાં ઈંગ્લીશ દારૂનો જથ્થો વેચાણ માટે મંગાવીને રાખવામાં આવ્યો હોવાની બાતમી પરથી એલસીબીએ પીઆઈ કે.કે. ગોહિલની સૂચનાથી દરોડો પાડ્યો હતો. ત્યાં આવેલા અરજણ માલદેભાઈ સંધીયા નામના શખ્સના ખેતરમાં તલાશી લેવાતા ત્યાંથી ઈંગ્લીશ દારૂની ૪૫ બોટલ મળી આવી હતી.

આ બોટલ બે દિવસ પહેલાં ખંભાળિયાના ધરાર નગરમાં રહેતા ધવલ માયાણી નામના શખ્સે સપ્લાય કર્યાે હતો અને અરજણે તે છૂપાવી રાખ્યો હતો. એલસીબીએ દારૂની બોટલ, મોબાઈલ મળી કુલ રૂ. ૬૩૫૦૦નો મુદ્દામાલ કબજે કર્યાે છે અને બંને સામે ગુન્હો રજીસ્ટર કરાવ્યો છે.

ખંભાળિયાના મહેેશ્વરી નગરની શેરી નં.૪માં જીતુ બાલાભાઈ ડોરૂ નામના શખ્સના મકાનમાં શનિવારે સાંજે પોલીસે દરોડો પાડતા ત્યાંથી ઈંગ્લીશ દારૂની નવ બોટલ મળી આવી હતી. આ જથ્થા સાથે જીતુ બાલાભાઈ ડોરૂની ધરપકડ કરાઈ છે. તેણે પોતાના સાગરિત વિશાલ દુલાભાઈ વરમલનું નામ આપ્યું છે. બંને સામે ગુન્હો નોંધી પોલીસે વિશાલની શોધખોળ હાથ ધરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh