Author: નોબત સમાચાર
નાઘેડીમાં જાહેરમાં ગંજીપાનાથી જુગાર રમતા પાંચ મહિલા સહિત સાત ઝડપાયા
મેઘપરના પન્નાનેસમાંથી તીનપત્તી રમતા આઠ પકડાયાઃ
જામનગર તા. ૨૫ઃ મેઘપર નજીકના પન્નાનેસમાં ગઈરાત્રે ગંજીપાનાથી જુગાર રમતા આઠ શખ્સને પોલીસે પકડી પાડ્યા છે. પટમાંથી રૂા.૧૫૧૧૦ કબજે કરાયા છે. જ્યારે નાઘેડીમાં ગઈકાલે બપોરે જુગાર રમતા બે શખ્સ અને પાંચ મહિલાને પકડી પાડી પોલીસે પટમાંથી રૂા.૨૮૫૦૦ કબજે લીધા છે.
લાલપુર તાલુકાના મેઘપર પાસેના પન્નાનેસમાં જાહેર રોડ પર ગઈરાત્રે જુગારની મહેફિલ જામી હોવાની બાતમી પરથી મેઘપર પોલીસ સ્ટેશનના સ્ટાફે દરોડો પાડ્યો હતો. ત્યાં ગંજીપાના વડે જુગાર રમતા સહદેવ કમાભાઈ ગુજરીયા, ભીખાભાઈ બિજલભાઈ મકવાણા, પ્રવીણભાઈ કાનજીભાઈ ભટાસણા, કિરીટસિંહ બળુભા જેઠવા, જયેન્દ્રસિંહ ચંદુભા વાઢેર, વનરાજસિંહ ભરતસિંહ પીંગળ, પ્રજીતસિંહ જશવંતસિંહ દેદા, વિનોદભાઈ દેવાભાઈ ચોપડા નામના આઠ શખ્સ ઝડપાઈ ગયા હતા. પટમાંથી રૂા.૧૫૧૧૦ કબજે કરવામાં આવ્યા છે.
જામનગર-ખંભાળિયા રોડ પર નાઘેડી ગામ નજીક શિવાલીક સોસાયટી પાસે ગઈકાલે બપોરે જાહેરમાં તીનપત્તી રમતા કાનાભાઈ હાજાભાઈ ભાટીયા, હરપાલસિંહ અજીતસિંહ જાડેજા, ગીતાબા નરેન્દ્રસિંહ જાડેજા, નંદુબેન કાનાભાઈ ભાટીયા, ક્રિષ્નાબા અજીતસિંહ જાડેજા, અજાયબેન જગાભાઈ ડાંગર, જાનાબેન કરશનભાઈ ભાટીયા નામના સાત વ્યક્તિને પંચકોશી બી ડિવિઝન પોલીસે પકડી લઈ પટમાંથી રૂા.૨૮૫૦૦ ઝબ્બે લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
