Author: નોબત સમાચાર
સંબંધના દાવે વાવેતર માટે આપેલી સાત વીઘા જમીન પચાવી લેવાતા લેન્ડ ગ્રેબિંગ
સત્તર વર્ષ પહેલાં વાવેતર માટે જગ્યા આપ્યા પછી જમાવ્યો કબજોઃ
જામનગર તા. ૪: કલ્યાણપુરના ભાટીયામાં રહેતા એક વૃદ્ધે વર્ષ ૨૦૦૮માં બામણાસા ગામમાં આવેલી પોતાની સાત વીઘા ખેતીની જમીન બામણાસાના એક આસામીને સંબંધદાવે વાવેતર કરવા આપ્યા પછી આ આસામીએ તે જમીન પચાવી પાડતા લેન્ડ ગ્રેબિંગ એક્ટ હેઠળ ફરિયાદ કરવામાં આવી છે.
દેવભૂમિ દ્વારકા જિલ્લાના કલ્યાણપુર તાલુકાના બામણાસા ગામના વતની અને હાલમાં ભાટીયાના રામેશ્વરનગરમાં રહેતા પ્રેમજીભાઈ વસરામભાઈ ઘેડીયા નામના પ્રજાપતિ વૃદ્ધે બામણાસા ગામમાં વસવાટ કરતા નવુભા ગીરૂભા વાઢેર સામે કલ્યાણપુર પોલીસ મથકમાં લેન્ડ ગ્રેબિંગ એક્ટ હેઠળ ફરિયાદ નોંધાવી છે.
ફરિયાદમાં જણાવવામાં આવ્યા મુજબ બામણાસા ગામમાં રે.સ.નં.૪૬૩માં સાત વીઘા જેટલી જમીન પ્રેમજીભાઈની છે તે જમીન ૧૭ વર્ષ પહેલાં સંબંધોના દાવે નવુભાને તેઓએ વાવવા માટે આપી હતી. તે પછી જમીનમાં વાવેતર કરતા નવુભાને તેઓએ અવારનવાર પોતાની જમીન પરત આપી દેવા માટે કહ્યું હોવા છતાં નવુભા વાઢેર જમીનનો કબજો સોંપતા ન હતા. હાલમાં રૂ.૨૨ લાખની કિંમતની ખેતીની આ જમીન પચાવી પાડવા અંગે પ્રેમજીભાઈએ ફરિયાદ કરી છે. પીઆઈ ટી.સી. પટેલે લેન્ડ ગ્રેબિંગ એક્ટ હેઠળ ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
