Author: નોબત સમાચાર
ફાળા માટે મેસેજ કરનાર યુવાનને પડાણાના શખ્સે ઢીકાપાટુથી ધોકાવ્યો
નગરમાં વૃદ્ધાને ત્રણ શખ્સે ધમકી ઠપકારીઃ
જામનગર તા. ૧૯: લાલપુરના પડાણાના એક યુવાને એક વ્યક્તિની અંતિમક્રિયા માટે ફાળો આપવાનો સંદેશ આપતો મેસેજ વોટ્સએપ ગ્રુપમાં મૂક્યા પછી આ યુવાનને બીજા શખ્સે માર માર્યાે છે. જ્યારે જામનગરમાં એક મહિલાના ઘરની બારીનો કાચ ફોડી નાખનાર ત્રણ શખ્સે તે મહિલાને ધમકી ઠપકારી છે.
લાલપુર તાલુકાના પડાણા ગામમાં શિવપરા વિસ્તારમાં રહેતા મંગાભાઈ લખમણભાઈ નાંગેશ નામના યુવાન ગઈકાલે સાંજે જોગવડ ગામના પાટીયા પાસે ચામુંડા હોટલ નજીક હતા ત્યારે શિવપરામાં જ રહેતા પૂના લાખા મોરી ધસી આવ્યો હતો.
આ શખ્સે શિવપરાના રબારી ગ્રુપમાં તમે કોઈ વ્યક્તિ મૃત્યુ પામ્યા છે તેની અંતિમક્રિયા માટે રૂ.ર૦૦ની આર્થિક સહાય (ફાળા)નો મેસેજ કેમ મૂક્યો છે તેમ પૂછી બોલાચાલી કર્યા પછી ગાળોભાંડી મંગાભાઈને ખાટલા પરથી નીચે પાડી દીધા હતા અને ઢીકાપાટુથી માર માર્યાે હતો. મેઘપર પોલીસે પૂના લાખા સામે ગુન્હો નોંધ્યો છે.
જામનગરના રામેશ્વરનગર પાછળ માટેલ ચોક નજીક રાજ રાજેશ્વરી સોસાયટીની શેરી નં.૪માં રહેતા શોભનાબેન હસમુખભાઈ પીઠડીયા નામના વૃદ્ધાના મકાનની બારીમાં દિવ્યરાજસિંહ ભૂપતસિંહ ઝાલા તથા બે અજાણ્યા શખ્સે પથ્થર ઝીંકી કાચ ફોડી નાખ્યો હતો. તે પછી બોલાચાલી થતાં જોઈ લેવાની ધમકી આપતા શોભનાબેને ત્રણેય સામે સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
