Author: નોબત સમાચાર
દ્વારકા તાલુકામાં ૧૦ મહિનામાં ૭૦૬ દબાણો હટાવી ૩૧૭ કરોડની જમીન ખૂલ્લી કરાવાઈ
પ્રાંત અધિકારીના માર્ગદર્શન હેઠળ
દ્વારકા તા. ૧૩: દ્વારકા ક્ષેત્રમાં છેલ્લા વર્ષોમાં ડેવલોપમેન્ટ પ્રોજેક્ટ ચાલી રહ્યો હોય, આગામી સમયમાં પણ દ્વારકા કોરીડોર સહિતના વિકાસકાર્યો યથાવત રહેનાર હોય, દ્વારકા - શિવરાજપુર - બેટ-દ્વારકા સહિતના વિવિધ વિસ્તારોમાં અનેક ગેરકાયદેસર દબાણો થયાનું તંત્રના ધ્યાનમાં આવતા જિલ્લા વહીવટી તંત્ર દ્વારા દ્વારકા તાલુકામાં વિવિધ વિસ્તારોમાં ગત ડિસેમ્બર મહિનામાં શરૂ કરાયેલી બે તબક્કામાં દબાણ હટાવ કામગીરીમાં કોમર્શિયલ, ધાર્મિક અને રહેણાંક સહિત જુદા-જુદા પ્રકારના અંદાજે ૭૦૬ જેટલા દબાણો દૂર કરી અંદાજે ૧,પ૭,૦૭૩ ચો.મી. જેટલી અંદાજે ૩૧૭ કરોડની બજાર કિંમત ધરાવતી સરકારી જમીનો પરના દબાણો દૂર કરવામાં આવ્યા છે. પ્રથમ તબક્કામાં ડિસેમ્બર-ર૦ર૪ થી જાન્યુઆરી ર૦રપ સુધીમાં બેટ-દ્વારકા, ઓખા, દ્વારકા અને આરંભડા વિસ્તારમાં દબાણો હટાવવામાં આવ્યા હતાં. બીજા તબક્કામાં ફેબ્રુઆરી-ર૦રપ થી સપ્ટેમ્બર-ર૦રપ સુધીમાં દ્વારકા, ગોરીંજા, ભીમરાણા, ભોગાત, પટેલકા સહિતના વિસ્તારોમાંથી દબાણ હટાવવાની કામગીરી હાથ ધરવામાં આવી હતી. દ્વારકાના પ્રાંત અધિકારી અમોલ આવટેના માર્ગદર્શનમાં આ દબાણ હટાવ કામગીરી સંપન્ન થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
