સલાયામાં ઘરમાં ઘૂસી સગીરા પર દુષ્કર્મ ગુજારનાર શખ્સને ૧૦ વર્ષની કેદની સજા

Author: નોબત સમાચાર

સલાયામાં ઘરમાં ઘૂસી સગીરા પર દુષ્કર્મ ગુજારનાર શખ્સને ૧૦ વર્ષની કેદની સજા

સગીરાને ચૂકવાશે વળતર પેટે રૂ.૧ લાખઃ

જામનગર તા. ૬: સલાયામાં વસવાટ કરતા એક પરિવારની સગીર વયની પુત્રી બે વર્ષ પહેલાં પોતાના ઘરે એકલી હતી ત્યારે એક શખ્સ ઘરમાં ઘૂસી ગયો હતો અને તેણે દુષ્કર્મ ગુજાર્યું હતું. પોલીસમાં ફરિયાદ કરાઈ હતી. આ કેસ ચાલી જતાં ખાસ પોક્સો અદાલતે આરોપીને ૧૦ વર્ષની કેદ અને રૂ.૨૦ હજારનો દંડ ફટકાર્યાે છે. ભોગ બનનારને પુનર્વસન માટે રૂ.૧ લાખ વળતર પેટે ચૂકવાશે.

ખંભાળિયા તાલુકાના સલાયામાં વસવાટ કરતા એક પરિવારના મકાનમાં ગઈ તા.૫-૭-૨૩ના દિને સલાયાના માયલોવાસમાં રહેતા શબ્બીર અબુઈસ્માઈલ મોગલ નામના શખ્સે પ્રવેશ કરી ઘરમાં એકલી રહેલી સગીરા પર દુષ્કર્મ ગુજાર્યું હતંંુ અને કોઈને વાત કરીશ તો જાનથી મારી નાખીશ તેવી ધમકી આપી હતી.

આ સગીરાએ પોતાના પરિવારને તેની વાત કર્યા પછી પોલીસમાં ફરિયાદ કરાઈ હતી. પોલીસે આઈપીસી તેમજ પોક્સો એક્ટ હેઠળ ગુન્હો નોંધ્યો હતો. તે કેસ ચાલી જતાં ખંભાળિયાની ખાસ પોક્સો અદાલતે સરકાર પક્ષ તરફથી રજૂ થયેલી દલીલો ગ્રાહ્ય રાખી આરોપી શબ્બીર અબુઈસ્માઈલ મોગલને તક્સીરવાન ઠરાવ્યા પછી ૧૦ વર્ષની સખત કેદની સજા અને રૂ.૨૦ હજારનો દંડ ફટકાર્યાે છે. સગીરાને કમ્પેઈન્સેશનમાંથી રૂ.૧ લાખ ચૂકવવામાં આવશે.

જો આપને આ પોસ્ટ ગમી હોય તો શેર કરો...