Author: નોબત સમાચાર
આજે ૨૪ ડિસેમ્બરઃ રાષ્ટ્રીય ગ્રાહક દિન: જાગો....ગ્રાહક....જાગો....
આપણાં દેશમાં દર વર્ષે ૨૪ ડિસેમ્બરે રાષ્ટ્રીય ગ્રાહક દિન ઉજવવામાં આવે છે, જે ગ્રાહકોના અધિકારો અને અન્યાયી વેપાર પ્રથાઓ સામે રક્ષણ મેળવવા માટે તેઓના કાનૂની હકની જાગૃતિને પ્રોત્સાહન આપે છે. આમ છતાં, કેટલાય ગ્રાહકો પોતાના આવા અધિકારો બાબત બેખબર છે અને વળી, જેઓ જાગૃત છે તેઓ થોડાક આળસુ અને જતું કરવાની ભાવનાવાળા હોવાથી અન્યાયી વેપાર પ્રથાઓ અપાનાવનારા ધંધાર્થી કંટ્રોલ વગરના બની જાય છે.
આજના સમયમાં ઘરમાં રસોઈ બનાવવા માટે ગેસ કનેકશન હોય છે, ગેસ સિલિન્ડરની ડિલિવરી આપવા માટે આવતા ગેસ ડિસ્ટ્રીબ્યુટર્સોના ડિલિવરીમેન એ ગ્રાહકોની હાજરીમાં બાટલાનું વજન કરીને આપવાનો કાયદો છે. આમ છતાં એવું જોવામાં આવ્યું છે કે મોટા ભાગના ગ્રાહકો ખાસ કરીને મહિલાઓ ગેસના બાટલાનું વજન કરાવ્યા વગર જ બિલ મૂજબ રૂપિયા આપી દે છે, પરિણામે અમુક લેભાગુ ડિલિવરીમેન ગેસ ડિસ્ટ્રીબ્યુટર્સોની આંખમાં ધૂળ નાખીને પણ, તેઓની જાણ બહાર બાટલામાંથી ચાર-પાંચ કિલો જેટલો ગેસ કાઢીને બીજા ખાલી સિલિન્ડરોમાં ભરી વેચીને ગ્રાહકો સાથે છેતરપિંડી કરતા હોય છે. વર્તમાનપત્રોમાં ઘણી વખત સમાચારો વાચવા મળે છે કે પોલીસ ખાતાએ ફલાણી જગ્યાએથી ગેરકાનૂની ગેસ રિફીલીંગ કરતા લોકોને સાધન-સામગ્રી સાથે પકડયા !. ગ્રાહક જ્યારે બાટલાના પૂરેપૂરા રૂપિયા ચૂકવતા હોય ત્યારે વજન પણ પૂરેપૂરૃં મેળવવા હક્કદાર છે.
આથી, ગેસના બાટલાનો ડિલિવરીમેન જ્યારે પણ ગેસ સિલિન્ડર આપવા માટે આવે ત્યારે બાજુની તસ્વીરમાં દેખાય છે તેમ એલ.પી.જી. (ગેસ)નું વજન ૧૪.૨ કિલોગ્રામ તથા બાટલાનું વજન જે છાપેલુ જ હોય છે તે ૧૫.૫ કિલોગ્રામ મળી કુલ વજન ૨૯.૭ કિલો ચેક કરવું.
શશિકાન્ત મશરૂ, જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
