Author: નોબત સમાચાર
ઠેબા બાયપાસ પાસે બે ટ્રકના અકસ્માતમાં ઘવાયેલા અમરેલી જિલ્લાના ચાલકનું મૃત્યુ
સરૂ સેક્શન રોડ પર અકસ્માતમાં વૃદ્ધાને ઇજાઃ
જામનગર તા. ૨૫: જામનગરના ઠેબા બાયપાસથી ખીજડિયા બાયપાસ વચ્ચે સપ્તાહ પૂર્વે એક ટ્રકના ચાલકે અચાનક બ્રેક મારતા પાછળથી સિમેન્ટ ભરેલો ટ્રક તેના ઠાઠામાં ઘૂસ્યો હતો. આ અકસ્માતમાં સિમેન્ટના ટ્રકના ચાલક અમરેલી જિલ્લાના યુવાનનું સારવારમાં મૃત્યુ નિપજ્યું છે. સરૂ સેક્શન રોડ પર ઈકો મોટરે રિક્ષાને ટક્કર મારી સર્જેલા અકસ્માતમાં એક વૃદ્ધાને ગંભીર ઈજા થઈ છે.
જામનગર-કાલાવડ ધોરીમાર્ગ આવેલા ઠેબા બાયપાસથી ખીજડિયા બાયપાસ વચ્ચેના રોડ પરથી ગઈ તા.૧૭ની બપોરે ત્રણેક વાગ્યે નાથાભાઈ કાનાભાઈ બાબરીયા નામના અમરેલી જિલ્લાના રાજુલા તાલુકાના જૂની માંડરડી ગામના વતની ડ્રાઈવર જીજે-૨૯-ટીબી ૭૪ નંબરના ટ્રકમાં સિમેન્ટ ભરીને મોટી ખાવડી તરફ જવા માટે પસાર થતા હતા.
રાજુલાથી સિમેન્ટ ભરીને આવેલા નાથાભાઈનો ટ્રક દોડ્યો જતો હતો ત્યારે આગળ જતા જીજે-૩૭-ટી ૩૧૧૬ નંબરના ટ્રકના ચાલકે બેદરકારીપૂર્વક બ્રેક મારતા નાથાભાઈનો ટ્રક તેના ઠાઠામાં ઘૂસ્યો હતો. આ અકસ્માતમાં નાથાભાઈને પેટમાં ટ્રકનું સ્ટીયરીંગ ટકરાઈ પડ્યું હતું. ગંભીર ઈજા પામેલા આ યુવાનને સારવાર માટે જામનગરની જી.જી. હોસ્પિટલમાં દાખલ કરવામાં આવ્યા પછી તેઓનું મૃત્યુ નિપજ્યું છે. મૃતકના નાનાભાઈ પ્રાગજીભાઈ બાબરીયાએ પંચકોશી બી ડિવિઝન પોલીસમાં ફરિયાદ નોંધાવી છે.
જામનગરના જૂના રેલવે સ્ટેશન નજીક ભીમવાસની શેરી નં.૧માં રહેતા ભાનુબેન વિનોદભાઈ ખીમસુરીયા નામના વૃદ્ધા ગઈ તા.૧૬ની બપોરે જીજે-૩-બીયુ ૪૦૫ નંબરની રિક્ષામાં સરૂ સેક્શન રોડ પરથી જતા હતા ત્યારે સેવા સદન પાસે જીજે-૧૦-ડીજે ૮૭૯૫ નંબરની ઈકો મોટરના ચાલકે રિક્ષાને ઠોકર મારતા રિક્ષાએ ગોથું માર્યંુ હતું. આ અકસ્માતમાં ભાનુબેનને મ્હો, પગ તથા કમરના મણકામાં ઈજા થઈ છે. તેઓએ મોટરચાલક સામે પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
