Author: નોબત સમાચાર
દંપતી વચ્ચે થયેલા કંકાસનું સમાધાન કરાવવા આવેલા જ્ઞાતિ અગ્રણી પર હુમલો
ઠેબા બાયપાસ પાસે બે શખ્સ ધોકા-પાઈપથી તૂટી પડ્યાઃ
જામનગર તા. ૨૪: જામનગર નજીક ઠેબા બાયપાસ પાસે સોમવારે બપોરે મોટી ભલસાણ ગામના વાડી વિસ્તારમાં રહેતા એક પ્રૌઢ પર બે અજાણ્યા શખ્સે ધોકા-પાઈપથી હુમલો કરી ફ્રેક્ચર કરી નાખ્યા હતા. આ પ્રૌઢ જ્ઞાતિ અગ્રણી તરીકે એક દંપતીના ઝઘડામાં સમાધાન કરાવવા આવ્યા હતા.
જામનગર તાલુકાના મોટી ભલસાણ ગામના વાડી વિસ્તારમાં વાણીયા ગામના પાટીયા પાસે વસવાટ કરતા ગોવિંદભાઈ હીરાભાઈ ગેડાની કૌટુંબિક કાકાની પુત્રીએ જામનગરના રણજીતસાગર રોડ પર આવેલી હર્ષદમીલની ચાલીમાં રહેતા દિલીપભાઈ નામના વ્યક્તિ સાથે લગ્ન કર્યા હતા.
ત્યારપછી ચારેક મહિના પહેલાં દિલીપભાઈ તથા ભાનુબેન વચ્ચે કંકાસ થતાં તેઓને પતિએ ઘરમાંથી કાઢી મૂક્યા હતા. સમાજના આગેવાન તરીકે ગોવિંદભાઈ આ મામલામાં સમાધાન કરાવવા ગયા હતા. તે માટે સોમવારે જામનગર આવેલા ગોવિંદભાઈ ઠેબા બાયપાસ પાસે હતા ત્યારે પચ્ચીસેક વર્ષની વયના બે અજાણ્યા શખ્સ ધસી આવ્યા હતા.
આ શખ્સોએ અચાનક જ ગોવિંદભાઈ પર ધોકા તથા પાઈપથી હુમલો કરી તેઓને આડેધડ માર માર્યાે હતો. આ હુમલામાં ગોવિંદભાઈને હાથ તથા પગમાં ફ્રેક્ચર જેવી ઈજા થઈ છે. સારવારમાં ખસેડાયેલા આ પ્રૌઢે સિટી એ ડિવિઝન પોલીસ સ્ટેશનમાં ફરિયાદ નોંધાવી છે. પોલીસે હુમલાખોરોની શોધ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
