Author: નોબત સમાચાર
મેઘપરમાં શનિવારે રાત્રે મારામારી બંને પક્ષે નોંધાવી સામસામી ફરિયાદ
સાત શખ્સ સામે પોલીસે ગુન્હો નોંધ્યોઃ
જામનગર તા. ૭: લાલપુરના મેઘપર ગામમાં શનિવારે રાત્રે મારામારી થઈ હતી. જેમાં બંને શખ્સે હુમલો કર્યાની સામસામી ફરિયાદ નોંધાવી છે. પોલીસે કુલ સાત શખ્સ સામે ગુન્હો નોંધ્યો છે.
જામનગર-ખંભાળિયા માર્ગ પર આવેલા મેઘપર ગામમાં સમાજ વાડી પાસે રહેતા સહદેવસિંહ લાખાજી કેર શનિવારે રાત્રે પોતાની મોટર લઈને જતા હતા ત્યારે રસ્તા પર બાઈક રાખીને ઉભેલા મહાવીરસિંહ કરણસિંહ કંચવા તથા જયપાલસિંહ પ્રવીણસિંહ કંચવાને હોર્ન વગાડી સહદેવસિંહે રસ્તો આપવાનું કહેતા મહાવીરસિંહે ગાળો ભાંડી પોતાની પાસે રહેલુ છરી જેવું હથિયાર બતાવી ગાળો ભાંડી હતી. જયપાલસિંહે તેઓને પકડી લીધા હતા. આ વેળાએ દોડી આવેલા હરદીપસિંહ કેશુભા કંચવા, રાહુલસિંહ પ્રવીણસિંહ કંચવાએ ઢીકાપાટુથી માર મારી ગાળો ભાંડી હતી તેવી ફરિયાદ મેઘપર પોલીસ સ્ટેશનમાં સહદેવસિંહે નોંધાવી છે.
તે ફરિયાદની સામે મહાવીરસિંહ કરણસિંહ કંચવાએ વળી ફરિયાદ કરી છે. જેમાં તેઓએ જણાવ્યા મુજબ શનિવારે રાત્રે સહદેવસિંહ લાખાજી, જયવંતસિંહ દિગુભા કેર, મુંગણી ગામના જયરાજસિંહ ગુમાનસિંહ નામના ત્રણ વ્યક્તિએ ગાળો ભાંડી ઢીકાપાટુથી માર મારવા ઉપરાંત જયપાલસિંહને માર માર્યાે હતો અને તેના કાકા હરદીપસિંહને ફોન કરી જાનથી મારી નાખવાની ધમકી આપી હતી. પોલીસે બંને ફરિયાદ પરથી સાત શખ્સ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
