Author: નોબત સમાચાર
લાલપુરના પીપળીના આસામીને વીજ ચોરીના આરોપમાં એક વર્ષની કેદની સજા
રૂ.૨૦ હજાર દંડ પેટે ભરવા કરાયો હુકમઃ
જામનગર તા. ૧૪: લાલપુર તાલુકાના પીપળી ગામમાં બે વર્ષ પહેલાં વીજ ચેકીંગ દરમિયાન એક આસામી વીજ ગ્રાહક ન હોવા છતાં બાજુમાંથી પસાર થતાં થાંભલામાંથી વીજ જોડાણ મેળવી વીજળીનો વપરાશ કરતા ઝડપાઈ ગયા હતા. તેની સામે ગુન્હો નોંધાયા પછી તે કેસ ચાલી જતાં અદાલતે તેને એક વર્ષની કેદ અને રૂ. ૨૦ હજારનો દંડ ફટકાર્યાે છે.
લાલપુર તાલુકાના પીપળી ગામમાં રહેતા બોઘાભાઈ માલદેભાઈ ગુજરીયા નામના આસામીના મકાનમાં બે વર્ષ પહેલાં વીજ કંપનીની ચેકીંગ ટૂકડીએ ચેકીંગ કરતા આ આસામી વીજ કંપનીના ગ્રાહક ન હોવા છતાં પોતાના ઘર પાસેથી પસાર થતાં થાંભલામાંથી સર્વિસ વાયર જોડી ગેરકાયદેસર રીતે વીજ પુરવઠો મેળવી તેનો વપરાશ કરતા મળી આવ્યા હતા.
આ આસામી સામે વીજચોરીની ફોજદારી ફરિયાદ કરવામાં આવ્યા પછી ઉપરોક્ત કેસ જામનગરની અદાલતમાં ચાલવા પર આવતા અદાલતે આ આસામીને તકસીરવાન ઠરાવી એક વર્ષની કેદની સજા તથા રૂ.૨૦ હજારનો દંડ ફટકાર્યાે છે. સરકાર તરફથી પીપી ભારતીબેન વાદી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
