મોટી ખાવડી પાસે ટેન્કરે અચાનક બ્રેક મારતા ઠાઠામાં મોટર ઘૂસીઃ સદ્નસીબે જાનહાની ટળી

Author: નોબત સમાચાર

મોટી ખાવડી પાસે ટેન્કરે અચાનક બ્રેક મારતા ઠાઠામાં મોટર ઘૂસીઃ સદ્નસીબે જાનહાની ટળી

પી.એન. માર્ગ પર એક્ટિવાની પાછળ મોટરસાયકલ ટકરાયુંઃ

જામનગર તા. ૧૭ઃ જામનગર-ખંભાળિયા ધોરીમાર્ગ પર મોટી ખાવડી પાસે ગુરૃવારે રાત્રે આગળ જતા ટેન્કરે અચાનક બ્રેક મારતા પાછળથી આવતી મોટર ઠાઠામાં ઘૂસી હતી. આ અકસ્માતમાં કોઈ જાનહાની થઈ નથી. મોટરમાં નુકસાન થયાની પોલીસમાં ફરિયાદ કરાઈ છે. ગુરૃવારે બપોરે સેન્ટ આન્સ સ્કૂલ પાસે એક્ટિવા પાછળ બાઈક ઘૂસી જતાં એક યુવતી સહિત બે ઘવાયા છે.

જામનગર-ખંભાળિયા ધોરીમાર્ગ પર આવેલા મોટી ખાવડીથી આગળ ટાઉનશીપના દરવાજાથી અડધોએક કિલોમીટર દૂરથી ગુરૃવારે રાત્રે એક વાગ્યે રાજકોટ જિલ્લાના કુવાડવા ગામના કિરણભાઈ પ્રવીણભાઈ ચાવડા નામના યુવાન જીજે-૩-સીયુ ૧૯૪૮ નંબરની મોટર લઈને જતા હતા.

આ વેળાએ આગળ જતા જીજે-૧ર-બીએક્સ ૧૨૨૨ નંબરના ટેન્કરે અચાનક બ્રેક મારતા પાછળથી કિરણભાઈની મોટર ટેન્કરમાં ઘૂસી હતી. આ અકસ્માતમાં મોટરમાં બોનેટ, બમ્પર, હેડલાઈટમાં નુકસાન થયું છે. સદ્નસીબે કોઈ જાનહાની થઈ નથી. કિરણભાઈએ ટેન્કરના ચાલક સામે મેઘપર પોલીસ સ્ટેશનમાં ફરિયાદ નોંધાવી છે.

જામનગરના સુભાષ શાક માર્કેટ વિસ્તારમાં ભોઈવાડા સ્થિત છીપર ફળીમાં રહેતા દીપેશભાઈ મગનભાઈ દાઉદીયા નામના પ્રૌઢની પુત્રી હિરલ તથા અન્ય વ્યક્તિ ગુરૃવારે બપોરે પંડિત નહેરૃ માર્ગ પર આવેલી સેન્ટ આન્સ સ્કૂલ પાસેથી એક્ટિવામાં જતા હતા ત્યારે પાછળથી ધસી આવેલા જીજે-૧૦-બીક્યુ ૯૯૧૩ નંબરના બાઈકે ઠોકર મારતા હિરલ સહિત બે વ્યક્તિને ઈજા થઈ છે. દીપેશભાઈએ બાઈકચાલક સામે પોલીસમાં ફરિયાદ કરી છે.

જો આપને આ પોસ્ટ ગમી હોય તો શેર કરો...