Author: નોબત સમાચાર
જામનગરની સજુબા સરકારી ગર્લ્સ હાઈસ્કૂલ ધો. ૧૨ સાયન્સ પ્રવાહમાં એકસો ટકા પરિણામ
આરતી રાઠોડને આંકડાશાસ્ત્રમાં ૧૦૦માંથી ૧૦૦ ગુણઃ
જામનગર તા. ૧૦ઃ જામનગરની ગૌરવશાળી અને ઐતિહાસિક મા.શ્રી સજુબા સરકારી ગર્લ્સ હાઇસ્કૂલે ફરી એકવાર શૈક્ષણિક ક્ષેત્રે પોતાનો ડંકો વગાડ્યો છે. જિલ્લાની એકમાત્ર સરકારી ગર્લ્સ હાઇસ્કૂલ, જ્યાં ધોરણ ૯ થી ૧૨ સુધી ૭૦૦ થી ૯૦૦ જેટલી વિદ્યાર્થિનીઓ વિનામૂલ્યે શિક્ષણ મેળવે છે, તેણે ગુજરાત બોર્ડના માર્ચ-૨૦૨૫ના ધોરણ ૧૨ આર્ટ્સ, કોમર્સ અને સાયન્સના પરિણામોમાં અસાધારણ સફળતા હાંસલ કરી છે.
છેલ્લા પાંચ વર્ષમાં ધો.૧૨ સાયન્સ, આર્ટ્સ અને કોમર્સ ત્રણેય પ્રવાહનું આ સર્વશ્રેષ્ઠ પરિણામ છે, જેમાં શાળાએ ધો.૧૨ વિજ્ઞાન પ્રવાહનું ૧૦૦ ટકા અને ધો.૧૨ સામાન્ય પ્રવાહનું ૯૧.૭૪ ટકા પરિણામ મેળવ્યુ છે. માર્ચ-૨૦૨૫ના પરિણામમાં શાળાની વિદ્યાર્થિનીઓએ અસાધારણ સિદ્ધિઓ મેળવી છે, જેમાં એક વિદ્યાર્થિનીએ એ-૧ ગ્રેડ તથા ૧૭ વિદ્યાર્થિનીઓએ એ-૨ ગ્રેડ મેળવ્યો છે.
શાળાની વિદ્યાર્થિની આરતી રાઠોડે ૯૯.૫૨ પી.આર. સાથે એ-૧ ગ્રેડ મેળવ્યો છે. જેમાં તેમણે આંકડાશાસ્ત્ર વિષયમાં ૧૦૦ માંથી ૧૦૦ ગુણ મેળવીને શાળાનું ગૌરવ વધાર્યું છે.સાથે જ શાળાની અન્ય વિદ્યાર્થિની ચંદ્રપાલ માનસીએ ૯૦.૬૬ પી.આર સાથે બી-૧ ગ્રેડ મેળવ્યો છે.તેમણે બાયોલોજી વિષયમાં ૧૦૦ માંથી ૯૪ ગુણ મેળવ્યા છે.
આ સફળતા માટે શાળાના આચાર્યા બિનાબેન દવે અને તમામ શિક્ષકોની નિષ્ઠા અને વિદ્યાર્થિનીઓની મહેનત રંગ લાવી છે. આ પરિણામ અન્ય વિદ્યાર્થિનીઓ માટે પણ પ્રેરણારૃપ બની રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
