Author: નોબત સમાચાર
કંચનપુર પાટીયા પાસે કંપનીની સાઈટ પરથી બ્રેકર-વેલ્ડીંગ મશીનની ઉઠાંતરી
બંને ચોરાઉ મશીન સાથે એકની ધરપકડઃ
ખંભાળિયા તા. ૧૯: ખંભાળિયા નજીકના કંચનપુર પાટીયા પાસે આવેલી એક કંપનીની સાઈટ પરથી બ્રેકર મશીન તથા વેલ્ડીંગ મશીનની ચોરી થઈ હતી. એક ઓરડામાં પડેલા ઉપરોક્ત મશીનની ચોરી પહેલાં તસ્કરે સ્લાઈડર બારીનો લોક તોડી પ્રવેશ કર્યાે હતો. પોલીસે તપાસ દરમિયાન કંચનપુરના જ એક શખ્સને બંને ચોરાઉ મશીન સાથે પકડી પાડ્યો છે.
ખંભાળિયા નજીકના કંચનપુર ગામના પાટીયા પાસે આરએચઆઈ મેગનાસીટા ઈન્ડિયા રીફેકટરીઝ નામની કંપનીમાં પ્લાન્ટ હેડ તરીકે નોકરી કરતા આસામીને કંપનીના એક ઓરડામાં રાખવામાં આવેલુ બ્રેકર મશીન, વેલ્ડીંગ મશીન ચોરાઈ ગયાની પોલીસમાં ફરિયાદ નોંધાઈ હતી.
તે ઓરડામાં આવેલી એક બારીનો લોક તોડી અંદર ઘૂસી ગયેલા તસ્કરોએ રૂ.૧૦૩૩૫૦નું બ્રેકર મશીન તથા રૂ.૪૬૦૨૦ની કિંમતનું વેલ્ડીંગ મશીન ઉઠાવ્યું હતું તેની તપાસ ખંભાળિયા પોલીસે શરૂ કર્યા પછી સીસીટીવી કેમેરા પરથી મળેલા સગડના આધારે કંચનપુર ગામના જ અકરમ ઈબ્રાહીમ ખફી નામના શખ્સની અટકાયત કરી હતી.
આ શખ્સની પૂછપરછ કરાતા તેણે ઉપરોક્ત ચોરીની કબૂલાત આપી છે અને રૂ.૧૪૯૩૭૦ની કિંમતના બંને મશીન કાઢી આપ્યા છે. પોલીસે મશીન કબજે કરી આરોપીની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
