Author: નોબત સમાચાર
ખંભાળિયાના સોડસલા તથા ઓખામાં ગંજીપાનાથી જુગાર રમતા સાત ઝબ્બે
લાલપુર તથા જામનગરમાંથી વર્લીબાજ પકડાયાઃ
જામનગર તા. ૨૯ઃ ખંભાળિયા નજીક સોડસલા ગામમાં ગંજીપાનાથી જુગાર રમતા પાંચ શખ્સને પોલીસે પકડી લીધા છે. કલ્યાણપુરના ધુમથળમાંથી બે શખ્સ ચલણી નોટના નંબર પર જુગાર રમતા ઝડપાયા છે. જામનગર શહેરમાંથી બે, લાલપુરમાંથી એક વર્લીબાજને પોલીસે ઝડપી લીધા છે.
ખંભાળિયા તાલુકાના સલાયા નજીક આવેલા સોડસલા ગામમાં ગઈકાલે બપોરે જાહેરમાં તીનપત્તી રમતા નારણ ભીખાભાઈ રાઠોડ, નારણ મુળૂભાઈ પરમાર, દેવશી ભીખુભાઈ રાઠોડ, ધના રામાભાઈ રાઠોડ, ગૌતમ ખેંગારભાઈ પરમાર નામના પાંચ શખ્સને પોલીસે પકડી લઈ પટમાંથી રૃા.૪૫૯૦ કબજે કર્યા છે.
દેવભૂમિ દ્વારકા જિલ્લાના કલ્યાણપુર તાલુકાના ધુમથળ ગામમાં બાવળની ઝાળીમાં ગઈકાલે ચલણી નોટ પર એકીબેકી બોલી જુગાર રમતા કાનાભાઈ ભીમાભાઈ રાવલીયા, દેવુભાઈ રામભાઈ બુચડ નામના બે શખ્સને કલ્યાણપુર પોલીસે પકડી પાડી ગુન્હો નોંધ્યો છે.
જામનગરના શાક માર્કેટ વિસ્તારમાંથી રામભાઈ આલાભાઈ સોલંકી નામનો શખ્સ તથા દરબારગઢ સર્કલ પાસેથી મેહુલ રમેશભાઈ પાટડીયા નામનો શખ્સ જાહેરમાં વર્લીના આંકડા લખતા ઝડપાઈ ગયા છે. વર્લીના આંકડા લખેલી ચિઠ્ઠી, રોકડ કબજે કરાયા છે.
લાલપુરમાં ગ્રામ પંચાયત કચેરી પાસેથી રવિ જયંતિભાઈ દાણીધારીયા નામનો શખ્સ વર્લીનું બેટીંગ લેતો મળી આવ્યો છે.
ઓખાના બસ સ્ટેન્ડ પાછળથી રઝાક લતીફ સોઢા, રાજાભા જેઠાભા સુમણીયા નામના બે શખ્સ ગંજીપાના રમતા ઝડપાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
