Author: નોબત સમાચાર
જોડિયાના બાલંભામાં વિકાસ રથનું સ્વાગત
જિલ્લા કલેકટરશ્રી કેતન ઠકકરની ઉપસ્થિતિમાં
જામનગર તા. ૧૪: પ્રધાનમંત્રીશ્રી નરેન્દ્રભાઈ મોદીના સુશાસનના સફળ ૨૪ વર્ષ પૂર્ણ થવાના ગૌરવશાળી અવસરે, ગુજરાતભરમાં વિકાસની ગાથાને જન-જન સુધી પહોંચાડવા માટે વિકાસ સપ્તાહની ઉજવણી કરવામાં આવી રહી છેે.
આ ઉજવણીના ભાગરૂપે જામનગર જિલ્લામાં પણ જિલ્લા કલેક્ટર કેતન ઠક્કરના નેતૃત્વમાં ૦૭ ઓક્ટોબરથી ૧૫ ઓક્ટોબર સુધી ગ્રામ્ય પંથકમાં 'વિકાસ રથ' દ્વારા વિવિધ લાભો પહોંચાડવાનું આયોજન હાથ ધરવામાં આવ્યું છે.જે ઉપક્રમે વિકાસ રથનું આગમન જોડિયા તાલુકાના બાલંભા ગામે થતાં જ જિલ્લા કલેક્ટર કેતન ઠક્કરની ઉપસ્થિતિમાં ગ્રામજનોએ ઉત્સાહભેર વિકાસ રથનું સ્વાગત કર્યું હતું. ગામમાં આયોજિત આ વિશેષ કાર્યક્રમમાં વિવિધ વિકાસ કાર્યોનું ખાતમુહૂર્ત, લોકાર્પણ અને જરૂરિયાતમંદ લાભાર્થીઓને વિવિધ યોજનાકીય લાભોનું વિતરણ કરવામાં આવ્યું હતું. આ સાથે જ વૃક્ષારોપણ જેવા સામાજિક કાર્યક્રમો પણ યોજાયા હતા.
આ અવસરે ઉપસ્થિત લાભાર્થીઓને માતૃ વંદના યોજના, આયુષ્માન કાર્ડ અને અન્ય કલ્યાણકારી યોજનાઓ અંગે વિગતવાર માહિતી આપવામાં આવી હતી.ગ્રામજનોએ વિકાસ રથના માધ્યમથી ફિલ્મ નિદર્શન દ્વારા સરકારી યોજનાઓ અને વિકાસની ઝાંખી પણ મેળવી હતી. કાર્યક્રમના અંતે, સૌએ 'વોકલ ફોર લોકલ'ના સંકલ્પ સાથે સ્વદેશી ઉત્પાદનોના ઉપયોગને પ્રોત્સાહન આપવા તેમજ આત્મનિર્ભર ભારતના નિર્માણ માટેની પ્રતિજ્ઞા લીધી હતી.
ઉલ્લેખનીય છે કે જામનગર જિલ્લાના વિવિધ તાલુકાઓમાં પ્રતિદિન જુદા જુદા ૦૩ ગામોમાં આ વિકાસ રથનું આગમન થઈ રહૃાું છે, જે ગ્રામ વિકાસના કાર્યોને વેગ આપીને જનસુખાકારીમાં વધારો કરી રહૃાું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
