Author: નોબત સમાચાર
જામનગર-હાપા તરફનો એક તરફનો રસ્તો ત્રણ મહિના બંધઃ વિકલ્પ સૂચવાયો
ભૂગર્ભ ગટરની કામગીરી માટે
જામનગર તા. ૯: જામનગર મહાનગર પાલિકાના કમિશનર દ્વારા હાપા તરફનો માર્ગ ભૂગર્ભ ગટરની કામગીરી માટે ત્રણ માસ સુધી બંધ રાખવા માટે જાહેરનામું પ્રસિદ્ધ કરવામાં આવ્યું છે, જેનો વૈકલ્પિક માર્ગ પણ સૂચવાયો છે.
જામનગર મહાનગર પાલિકાની હદમાં જામનગર-રાજકોટ મુખ્ય રસ્તા પર બીએસએનએલના ગોડાઉન પાસે મુરલીધર ટ્રેક્ટર્સથી હાપા માર્કેટીંગ યાર્ડ પાસે આવેલ રેલવે ફાટક સુધી જામનગર-રાજકોટ મુખ્ય રસ્તાથી હાપા માર્કેટીંગ યાર્ડ આવતા રસ્તાની મધ્યરેખા પરના રોડ ડિવાઈડરની દક્ષિણ દિશા તરફના રસ્તામાં ભૂગર્ભ ગટરની મુખ્ય પાઈપલાઈન નાખવાની કામગીરી કરવામાં આવનાર છે, જેના અનુસંધાને સલામતીના ભાગરૂપે તેમજ અકસ્માત નિવારવાના હેતુથી તા. ૧૧-૮-ર૦રપ થી તા. ૧૦-૧૧-ર૦રપ એટલે કે, ૩ માસ સુધી તમામ વાહનવ્યવહાર બંધ રાખવા આથી જાહેર નોટીસ બહાર પાડવામાં આવી છે, જેનો અમલ કરવાનો મ્યુનિ. કમિશનર દ્વારા હુકમ ફરમાવાયો છે.
જે કોઈ વ્યક્તિ આ હુકમનો ભંગ કરશે તેની સામે ધી બી.પી.એમ.સી. એક્ટની કલમ અનુસાર દંડની કાર્યવાહી કરવામાં આવશે.
બીએસએનએલના ગોડાઉન પાસે મુરલીધર ટ્રક્ટર્સથી હાપા માર્કેટીંગ યાર્ડ પાસે આવેલ રેલવે ફાટક સુધી જામનગર-રાજકોટ મુખ્ય રસ્તાથી હાપા માર્કેટીંગ યાર્ડ આવતા રસ્તાની મધ્યરેખા પરના રોડ ડિવાઈડરની દક્ષિણ દિશા તરફનો રસ્તો બંધ રહેશે. જેની વૈકલ્પિક વ્યવસ્થા માટે જામનગર-રાજકોટ મુખ્ય રસ્તા પર બીએસએનએલના ગોડાઉન પાસે મુરલીધર ટ્રેક્ટર્સથી હાપા માર્કેટીંગ યાર્ડ પાસે આવેલ રેલવે ફાટક સુધી જામનગર-રાજકોટ મુખ્ય રસ્તાથી હાપા માર્કેટીંગ યાર્ડ આવતા રસ્તાની મધ્યરેખા પરના રોડ ડિવાઈડરની ઉત્તર દિશા તરફનો રસ્તો પરિવહન માટે ખૂલ્લો રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
