Author: નોબત સમાચાર
એક પારિવારિક ધારાવાહિક ''કંકુ-રંગ પારકો''
કલર્સ ગુજરાતી રજૂ કરે છે
આ ધારાવાહિક ૨૧ જુલાઈથી શરૂ થશે, અને દર સોમવારથી શનિવાર રાત્રે ૮ વાગ્યે ક્લર્સ ગુજરાતી પર પ્રસારિત થશે. અને જીયો હોટસ્ટાર પર કોઇ પણ સમયે જોવા મળશે.
એક નવવધૂ જ્યારે પોતાના વૈવાહિક ઘરમાં ગૃહપ્રવેશ કરે છે ત્યારે પ્રેમ, કૃતજ્ઞતા અને સપનાઓ લઈને જાય છે. પરંતુ, તેને પરિવારનો હિસ્સો માનવાને બદલે નોકરાણીની જેમ પારકો કિસ્સો માનવામાં આવે, ત્યારે નવવધૂની મનોવ્યથા શું થતી હશે?
આવી જ એક એક સંવેદનશીલ પારિવારિક કહાની છે, નવી ધારાવાહિક 'કંકુ રંગ પારકો'. જે સમાજની વાસ્તવિકતા સામે સવાલ ઉઠાવે છે કે જે પરિવાર, પુત્રવધૂ પાસે ઘરની તમામ જવાબદારીઓ પૂરી કરવાની અપેક્ષા રાખે છે, તે તેને ઘરની સભ્ય માનવામાં કેમ સંકોચ અનુભવે છે?
જય પ્રોડક્શન દ્વારા નિર્મિત, 'કંકુ રંગ પારકો' એ એક અનાથ યુવતી કંકુની કહાની છે. આ અનાથ યુવતીને જે પરિવારે ઉછેરી, મોટી કરી, તે જ ઘરમાં તે વહુ બનીને આવે છે. પણ, લગ્ન પછી તરત જ તેની ઓળખ અને અધિકારો પર સવાલ ઊભા થાય છે કે તે ઘરની કોણ છે? વહુરાણી કે નોકરાણી? આ જ વિષય-વસ્તુ પર આધારિત ધારાવાહિકનું માર્કેટિંગ કેમ્પેઇન પણ તૈયાર કરવામાં આવ્યું છેઃ વહુરાણી કે નોકરાણી?
કલર્સ ગુજરાતી કલસ્ટરના બિઝનેસ હેડ વિપુલ નાગરે ઉમેર્યું છે કે કંકુ દ્વારા અમે ઉજાગર કરી રહ્યા છીએ એક કડવું સત્ય કે લગ્નના દિવસે માનપાન પામતી વહુને લગ્ન પછી કેમ રોજિંદા ઘરકામના બોજ હેઠળ દબાવી દેવામાં આવે છે? કંકુ-રંગ પારકો આ વિસંગતતાને બહાર લાવે છે. કંકુ જેવી સ્ત્રીઓ પ્રેમ, જવાબદારી અને સ્વમાન વચ્ચે સંતુલન જાળવી રાખવાના મક્કમ પ્રયાસો કરે છે અને આ સિરિયલ દ્વારા આ પ્રયાસોનું સન્માન કરીએ છીએ. અમને અત્યંત ગર્વ છે કે અમે આ પ્રકારની હૃદયસ્પર્શી વાર્તા ગુજરાતી દર્શકો માટે રજુ કરી રહ્યા છીએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
