Author: નોબત સમાચાર
લાંચ લેવાના આરોપસર ફોજદાર તથા રાઈટરના રિમાન્ડ પૂર્ણ થતાં જેલહવાલે
એસીબીએ ગયા મહિને નોંધ્યો હતો ગુન્હોઃ
જામનગર તા. ૭: જામનગરની ઉદ્યોગનગર પોલીસચોકીના પીએસઆઈ તથા રાઈટર વતી એસઓજીનો પોલીસ કર્મચારી રૂ.૧ લાખની લાંચ લેતો ઝડપાઈ ગયો હતો. એસીબીએ એસઓજી કર્મીની ધરપકડ કરી ફોજદાર-રાઈટરના સગડ દબાવ્યા હતા. તે પછી હાજર થઈ ગયેલા બંને પોલીસ કર્મચારીના રિમાન્ડ પૂર્ણ થતાં અદાલતમાં રજૂ કરાયા હતા. અદાલતે બંનેને જેલહવાલે કર્યા છે.
જામનગરના એક આસામી સામે પોલીસમાં ચીટીંગ અંગેની અરજી કરાયા પછી તેની તપાસ સિટી સી ડિવિઝન પોલીસ સ્ટેશન હેઠળની ઉદ્યોગનગર પોલીસચોકીને સોંપવામાં આવી હતી. તે પછી આ ચોકીના રાઈટર ધમભાઈ મોરી તથા પીએસઆઈ આર.ડી. ગોહિલે આ વ્યક્તિને હેરાન ન કરવા અને હવે પછી આવી કોઈ અરજી આવે તો જાણ કરવા માટે લાંચ માગ્યાની આ આસામીએ લાંચ-રૂશ્વત વિરોધી શાખામાં ફરિયાદ નોંધાવી હતી.
તે ફરિયાદના પગલે ગોઠવાયેલા છટકામાં ફોજદાર તથા રાઈટર વતી રૂ.૧ લાખની લાંચની રકમ સ્વીકારતો સ્પેશિયલ ઓપરેશન ગ્રુપનો પોલીસ કર્મચારી રવિ શર્મા ઝડપાઈ ગયો હતો. એલસીબીએ તેની ધરપકડ કરવા ઉપરાંત ફોજદાર તથા રાઈટર સામે પણ ગુન્હાની નોંધ કરી તેઓની શોધ શરૂ કરી હતી.
ત્યારપછી પોલીસ સમક્ષ હાજર થયેલા ફોજદાર આર.ડી. ગોહિલ તથા રાઈટર ધમભાઈ મોરીની ધરપકડ કરવામાં આવી હતી અને બંનેને રિમાન્ડ પર લેવામાં આવ્યા હતા. રિમાન્ડની મુદ્દત પૂર્ણ થતાં શનિવારે બંનેને અદાલતમાં રજૂ કરાતા અદાલતે બંનેને જેલ હવાલે કર્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
