Author: નોબત સમાચાર
એપાર્ટમેન્ટના પાર્કિંગમાં બોલાવી યુવતી પર એક શખ્સ દ્વારા ધોકાથી કરાયો હુમલો
ઘરેથી નીકળવા સામે આપી પતાવી દેવાની ધમકીઃ
જામનગર તા. ૮: જામનગરના ન્યુ સ્કૂલ વિસ્તાર પાછળ આવેલા એપાર્ટમેન્ટના પાર્કિંગમાં ધસી આવેલા એક શખસે યુવતી પર ધોકાથી હુમલો કરી માર મારવા ઉપરાંત ઝપાઝપી કરી ટીશર્ટ ફાડી નાખ્યું હતું અને વચ્ચે પડનાર વ્યક્તિને પણ માર મારી ઘરની બહાર નીકળશો તો પતાવી દઈશ તેવી ધમકી આપી હતી.
જામનગરના ખંભાળિયા નાકા બહારના વિસ્તારમાં આવેલા નહેરના કાંઠા નજીક શિવશક્તિ એપાર્ટમેન્ટમાં વસવાટ કરતા સોનલબેન ચંદુલાલ પરમાર નામના યુવતી શનિવારે રાત્રે પોતાના ઘરે હતા ત્યારે રણજીતસાગર રોડ પર વસંત વાટીકામાં રહેતો મયુર ચાંદ્રા નામનો શખ્સ આવ્યો હતો.
અગાઉ સોનલબેનના મોટાભાઈ સાથે મયુરને ઝઘડો થયો હતો. તેનો ખાર રાખી ધસી આવેલા મયુરે સોનલબેનને પાર્કિંગમાં આવવા માટે કહેતા સોનલબેન તથા અન્ય વ્યક્તિ પાર્કિંગમાં ગયા હતા. જ્યાં ગાળો ભાંડ્યા પછી મયુરે ઝપાઝપી કરી સોનલબેનનું ટીશર્ટ ફાડી નાખ્યું હતું અને પોતાની પાસે રહેલા ધોકાથી હુમલો કરી તેણીને માર માર્યાે હતો. વચ્ચે છોડાવવા પડેલા વ્યક્તિને પણ ઢીકાપાટુથી માર મારી મયુરે ધરની બહાર નીકળશો તો પતાવી દઈશ તેવી ધમકી આપી હતી. સિટી એ ડિવિઝનમાં તેની ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
