Author: નોબત સમાચાર
ભાણવડ નગરપાલિકાને રૂપિયા સાત કરોડની ગ્રાન્ટ ફાળવાઈ
માર્ગ-મરામત માટે રૂ. ૬૦ લાખની વધુ ફાળવણી
ખંભાળીયા તા. ૯: દ્વારકા જિલ્લાના ભાણવડ નગરપાલિકાને સાત કરોડની ગ્રાન્ટ ફાળવાઈ છે. તે પહેલા રસ્તા સુધારણા માટે ૬૦ લાખ જુની ગ્રાન્ટ પણ ફાળવાઈ હતી.
તાજેતરમાં દેવભૂમિ દ્વારકા જિલ્લાના ભાણવડની નગરપાલિકાને રાજય સરકાર દ્વારા રૂ. સાત કરોડની ગ્રાન્ટ સ્વર્ણીમ યોજના અંતર્ગત આપવામાં આવી હતી.
આ પહેલા રાજ્ય સરકાર દ્વારા રસ્તા સુધારણા માટે રૂ. ૬૦ લાખ પણ અપાયા હોય, પાલિકા ચિફ ઓફિસર ભાવેશભાઈ દ્વારા પાલિકાના હોદ્દેદારો પ્રિયેશભાઈ અનડકટ, જીજ્ઞાબેન જોશી, ચેતનભાઈ રાઠોડ વિ. સાથે સંકલન કરીને રસ્તા સુધારણાના કામો માટે તાજવીજ હાથ ધરી છે.
તાજેતરમાં ભાણવડ પાલિકા વિસ્તારમાં આ વિસ્તારના ધારાસભ્ય તથા રાજ્યમંત્રી મૂળુભાઈ બેરાના પ્રયાસોથી ડોર ટૂ ડોર કચરા કલેકશન યોજના વાહનો સાથે શરૂ થઈ હતી તે પછી આવેલ ગ્રાન્ટમાંથી પાણી પુરવઠા યોજનાના નવીનીકરણ, નવા રસ્તા બનાવવા, સ્ટ્રીટલાઈટો, ગટર વિગેરેના કામોનું આયોજન પણ પાલિકાની બોર્ડ દ્વારા ચિફ ઓફિસર તથા પાલિકા સ્ટાફની મદદથી કરવાનું આયોજન પણ હાથ ધરાયું છે.
અગાઉ ઈન્ચાર્જ ચિફ ઓફિસર ભરતભાઈ વ્યાસ દ્વારા પીવાના પાણીની યોજનાનો પ્લાન આયોજન થયું હતું. તેમાં પાણી પુરવઠાના તમામ પ્રશ્નો હલ થઈ જાય તેમ હોય તે મુજબ પાણી પુરવઠા યોજનાના નવીનીકરણનો પ્રશ્ન પણ હાથ પર લેવા લોકોમાં માંગ થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
