Author: નોબત સમાચાર
જામનગર સ્થિત સ્પોર્ટસ ઓથોરિટીના અધિકારીની નીતિરીતિ અંગે સી.એમ.ને રજૂઆતઃ તપાસ માંગી
જાહેરમાં હથિયાર લટકાવી ભય ફેલાવે છે!
જામનગર તા. ૧પઃ સ્પોર્ટસ ઓથોરિટી ઓફ ગુજરાત સંચાલિત જિલ્લા રમત પ્રશિક્ષણ કેન્દ્ર જામનગર તથા દેવભૂમિ દ્વારકા જિલ્લાના અધિકારી શ્રી રાવલિયાની નીતિરીતિ અંગેની તપાસ કરી પગલાં લેવા રાજ્યના મુખ્યમંત્રી સમક્ષ રજૂઆત કરવામાં આવી છે.
જામનગરના સામાજિક કાર્યકર અને આર.ટી.આઈ. એક્ટિવિસ્ટ ચિરાગ પંડ્યાએ આ રજૂઆતમાં જણાવ્યું છે કે, ક્રિકેટ બંગલા સ્થિત સરકારી સ્વિમીંગ પુલની ગંદકી અંગે સૂત્રોચ્ચાર કરી આંદોલન કરવામાં આવ્યું હતું. જે બાબતે અમારી સાથે કિન્નાખોરી રાખવામાં આવે છે.
અમોને મેનેજર મારફત સ્વિમીંગ માટે નહીં આવવા સૂચના આપવામાં આવી હતી. ઉપરાંત સ્વિમીંગ પુલ માટે એડમિશન અન્વયે નોટીસ લગાવાઈ હતી કે જુના સભ્યોએ તા. ૧૦ જુલાઈથી ર૦ જુલાઈ અને નવા સભ્યોએ ર૧ થી રપ જુલાઈ માટે આવવાનું રહેશે. જ્યારે અમો (ફરિયાદી) તા. ૧૧ જુલાઈના સભ્ય ફી ભરવા જતા એડમિશન ફૂલ છે તેવો જવાબ આપવામાં આવ્યો હતો.
ઉપરાંત અગાઉ જ્યારે ફી ભરી હતી તેની પહોંચ પણ આપવામાં આવી નથી. આ ઉપરાંત તેઓ જાહેરમાં હથિયાર લટકાવી ભય ફેલાવે છે. આ તમામ પ્રકરણની તપાસ કરવી જોઈએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
