Author: નોબત સમાચાર
જામનગરની ભાગોળે ત્રિરંગી પક્ષી 'કાળા માથાવાળી મુનિયા' સૌ પ્રથમ થયું 'ક્લીક'
વિશ્વ ફોટોગ્રાફી દિવસની વહેલી સવારે
જામનગર તા. ર૦: જામનગર દેશ-વિદેશના પક્ષીની પ્રજાતિ અને સંખ્યામાં બહુ સમૃદ્ધ છે. ખિજડિયા પક્ષી અભયારણ્ય સહિત અનેક જંગલ અને જળાશયો વિસ્તાર ધરાવતા જામનગર જિલ્લામાં ૩પ૦ થી વધુ પ્રજાતિના દેશ-વિદેશના પક્ષીઓ દર વર્ષે નોંધાય છે, અને દર વર્ષે ર થી પ નવા અલભ્ય કે દુર્લભ પક્ષીઓ પણ સતત નોંધાતા રહ્યા છે, ત્યારે ૧૯ ઓગસ્ટના વિશ્વ ફોટોગ્રાફી દિવસની વહેલી સવારે જામનગરમાં સૌ પ્રથમ વખત ફોટોગ્રાફી રેકોર્ડ બન્યું હોય તેવું પક્ષી ત્રિરંગી મુનિયા (કાળા માથાવાળી મુનિયા) ટ્રાય કલર મુનિયા જામનગરની ભાગોળે જામનગરના ફોટોજર્નાલીસ્ટ અને વાઈલ્ડ લાઈફ ફોટોગ્રાફર વિશ્વાસ ઠક્કરના કેમેરામાં કેદ થયેલ જે જામનગરના પક્ષી પ્રેમીઓ માટે આનંદના સમાચાર બની રહ્યા છે. આ ચકલી જેવડા પણ ખૂબ જ સુંદર પક્ષી અંગે જામનગરના પક્ષીવિદ્ ડો. મૌલિક વરૂના જણાવ્યાનુસાર આ મુનિયા આ બર્ડ અને ગુજરાતના પક્ષીઓમાં જામનગર જિલ્લામાં પ્રથમ વખત ફોટોગ્રાફી રેકોર્ડ છે. સૌરાષ્ટ્રમાં પોરબંદર, રાજકોટ, દ્વારકાના સલાયા, જૂનાગઢ જેવા જિલ્લામાં કોઈક વાર જોવા મળ્યાની નોંધ છે, પરંતુ જામનગર જિલ્લામાં અને ખાસ કરીને શહેરી વિસ્તાર નજીક પ્રથમ વખત જોવા મળેલ છે. ત્રિરંગી મુનિયા (લોન્યુરા મલાક્કા) એક એસ્ટ્રિલિડ ફ્રિન્ચ છે, જે બાંગ્લાદેશ, ભારત, શ્રીલંકા, પાકિસ્તાન અને દક્ષિણ ચીનમાં રહે છે. ત્રિરંગી મુનિયા એક નાનું જૂથીય પક્ષી છે જે મુખ્યત્વે અનાજ અને અન્ય બીજ ખાય છે. તે ભીના ઘાસના મેદાનોમાં રહે છે. તે ઉષ્ણકટિબંધીય નિચાણવાળા ભેજવાળા જંગલોમાં પણ મળી શકે છે.
(તસ્વીરઃ વિશ્વાસ ઠક્કર)
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
