Author: નોબત સમાચાર
કરનાલથી પોલીસે ધરપકડ કર્યા પછી 'આપ'ના ધારાસભ્ય ફરાર થતા ખળભળાટ
પોલીસકર્મીઓ પર ફાયરીંગ કરી કારથી કચડી નાંખવાનો પ્રયાસ
ચંદીગઢ તા. રઃ જુના કેસમાં ધરપકડ પછી 'આપ' ધારાસભ્ય પોલીસ જાપ્તામાંથ ફરાર થઈ ગયા છે. ફાયરીંગ કરીને પોલીસને કારથી કચડવાનો પ્રયાસ કર્યો, તેથી રાજનીતિમાં ખળભળાટ મચી ગયો છે.
આમ આદમી પાર્ટીના ધારાસભ્ય હરમીત સિંહ પઠાણમાજરા પોલીસ કસ્ટડીમાંથી નાસી ગયા છે. મંગળવારે (બીજી સપ્ટેમ્બર) સવારે હરિયાણાના કરનાલથી ધરપકડ પછી પોલીસ તેમને પોલીસ સ્ટેશન લઈ જઈ રહી હતી ત્યારે પઠાણમાજરા અને તેમના સાથીઓએ પોલીસકર્મીઓ પર ગોળીબાર કર્યો અને તેમની કારથી કચડવાનો પ્રયાસ કર્યો, જેમાં એક પોલીસકર્મી ઘાયલ થયો હતો.
પઠાણમાજરા અને તેના સાથીઓ એક સ્કોર્પિયો અને એક ફોર્ચયુનરમાં ફરાર થઈ ગયા હતાં, જેમાંથી પોલીસે ફોર્ચ્યુનર કબજે કરી છે અને સ્કોર્પિયોમાં ફરાર ધારાસભ્યનો પીછો કરી રહી છે. પંજાબના પટિયાલા જિલ્લાના સનૌર મતવિસ્તારના ધારાસભ્ય હરમીત સિંહ પઠાણમાજરાની પોલીસે હરિયાણાના કરનાલના ડાબરી ગામથી ધરપકડ કરી હતી. મળતી માહિતી મુજબ આ ધરપકડ કલમ ૩૭૬ હેઠળના જુના કેસમાં કરવામાં આવે છે.
એ પણ ઉલ્લેખનિય છે કે, પંજાબ સરકારે સોમવારે (પહેલી સપ્ટેમ્બર) જ ધારાસભ્ય પઠાણમાજરાની સુરક્ષા પાછી ખેંચી લીધી હતી. એવું કહેવામાં આવી રહ્યું છે કે, પઠાણમાજરા છેલ્લા ત્રણ-ચાર દિવસથી પોતાની જ સરકાર વિરૂદ્ધ નિવેદનો આપી રહ્યાહ તાં અને તેમણે તાજેતરના પૂર માટે સિંચાઈ વિભાગના મુખ્ય અધિકારી કૃષ્ણ કુમારને સીધા જવાબદાર ઠેરવ્યા હતાં. ધારાસભ્યની ધરપકડ પછી રાજકીય ગતિવિધિઓ તેજ થઈ ગઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
