Author: નોબત સમાચાર
ફ્રીઝ થયેલુ બેંક એકાઉન્ટ ખોલાવી આપવાની લાલચ બતાવી છેતરપિંડીના કેસમાં જામીન
નગરના બ્રાસપાર્ટના વેપારીએ કરી હતી ફરિયાદઃ
જામનગર તા. ૭: જામનગરના એક કારખાનેદારને તેઓનું ફ્રીઝ થયેલુ બેંક એકાઉન્ટ ખોલાવી આપવાનું કહી ખોટા કેસ કરવાની ધમકી આપનાર શખ્સો સામે સાયબર પોલીસમાં ફરિયાદ થયા પછી ત્રણ આરોપીની ધરપકડ કરાઈ હતી. આરોપીઓએ જામીન મુક્ત થવા કરેલી અરજી અદાલતે ગ્રાહ્ય રાખી છે.
જામનગરમાં રહેતા અને બ્રાસપાર્ટનો વ્યવસાય કરતા ચેતનભાઈ કપુરીયા મહારાષ્ટ્રમાં પ્રગતી એન્ટરપ્રાઈઝ નામની પેઢી ચલાવે છે. તે પેઢીનું કરંટ ખાતું મુંબઈના નાલાસોપારા સ્થિત એક્સિસ બેંકમાં આવેલુ છે. તે બેંક ખાતામાં રૂ.૧ કરોડ ૪૪ લાખ જમા હતા. તે દરમિયાન રાહુલ નામના વ્યક્તિના ખાતામાંથી તેમના ખાતામાં રૂ.૩ હજાર જમા થયા હતા.
ત્યારપછી મુંબઈના સાયબર ક્રાઈમ પોલીસ સ્ટેશનમાં ફરિયાદ કરવામાં આવતા ચેતનભાઈનું બેંક એકાઉન્ટ ફ્રીઝ કરાવવામાં આવ્યું હતું. જ્યારે દર્શિત કિશોરભાઈ કાગદડા નામના વ્યક્તિએ તમારૂ ફ્રીઝ થયેલુ ખાતું ખોલાવી આપુ તેમ કહી ચેતનભાઈને સકંજામાં લેવાનો પ્રયાસ કર્યાે હતો પરંતુ તેના પર વિશ્વાસ ન આવતા ચેતનભાઈએ જવાબ આપ્યો ન હતો. તેથી દર્શિતે પૈસા તો આપવા જ પડશે તેમ કહી ઈડી અને મની લોન્ડરીંગના કેસની ધમકી આપતા ચેતનભાઈએ જામનગર સાયબર ક્રાઈમ પોલીસ સ્ટેશનમાં ફરિયાદ નોંધાવી હતી.
તે ફરિયાદના આધારે શરૂ થયેલી તપાસમાં દર્શિત કિશોરભાઈ તેમજ દુર્ગેશ પંડયા, યોગેશ જોષીની ધરપકડ કરાઈ હતી. જેલહવાલે કરવામાં આવેલા આરોપીઓએ જામીનમુક્ત થવા કરેલી અરજી કોર્ટે ગ્રાહ્ય રાખી છે. આરોપીઓ તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા, કરણ પટેલ રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
