Author: નોબત સમાચાર
જાણો ૦ર માર્ચથી ૦૮ માર્ચ સુધીનું સાપ્તાહિક ભવિષ્ય
મીન સહીત બે રાશિને આવનારા સપ્તાહમાં આર્થિક લાભ મળે, સ્વાસ્થ્ય સંભાળવું
Aries (મેષ: અ-લ-ઈ)
તમારા માટે સ્વાસ્થ્યની કાળજી રાખવાની સલાહ આપતું સપ્તાહ શરૂ થવા જાય છે. આ સપ્તાહના દિવસો દરમિયાન સામાન્ય નાની-મોટી બીમારીને કારણે તકલીફો રહ્યા કરે. આપની માનસિક સ્થિતિ સ્વસ્થ અને દૃઢ જણાય. નાણાકીય સ્થિતિ સમતોલ રાખવામાં સફળ બની રહેશો. મિત્રો-સ્નેહી-સ્વજનોનો સાથ-સહકાર મેળવી શકશો. લોભ-પ્રલોભનથી દૂર રહેવું. નાણાકીય લેવડ-દેવડમાં સાવચેતી દાખવવી. નોકરી-ધંધા-વ્યવસાય ક્ષેત્રે પ્રગતિની તકો મળતી જણાય. ખર્ચ ઉપર કાબૂ રાખવો આવશ્યક જણાય છે. તા. ૨ થી ૫ મિશ્ર. તા. ૬ થી ૮ સ્વાસ્થ્ય સાચવવું.
Taurus (વૃષભ: બ-વ-ઉ)
આપના માટે શુભ સમાચાર સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપને કોઈ શુભ સમાચાર મળે અથવા કોઈ શુભ સંકેત મળે. નોકરી-ધંધાના કોઈ વિશેષ લાભની પ્રાપ્તિ થાય. સંતાન તરફથી શુભ સમાચાર મળે. માતા-પિતા, વડીલ વર્ગનું સ્વાસ્થ્ય ચિંતા રખાવે. વિશ્વાસે વહાણ હંકારવા નહીં. વ્યાવસાયિક ક્ષેત્રે આશાજનક પરિણામ જોવા મળે. આળસ ત્યજીને કામમાં મન પરોવવું જરૂરી જણાય છે. પરિશ્રમ એ જ પરમેશ્વર છે તેમ માનવું. આર્થિક સ્થિતિને સમતોલ રાખી શકો. તા. ૨ થી ૫ સામાન્ય. તા. ૬ થી ૮ શુભ ફળદાયી.
Gemini (મિથુન: ક-છ-ધ)
તમારા માટે સામાજિક કાર્યો કરાવનારો સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન કોઈ ધાર્મિક કે માંગલિક કાર્યનું આયોજન થાય અથવા તો રાજકીય-સામાજિક કાર્યોનું આયોજન શક્ય બને. નોકરી-ધંધા ક્ષેત્રે શુભ ફળ મળે. કોઈ નવો કોન્ટ્રાક્ટ, ટેન્ડર કે ઓર્ડર મળવાથી આપ ખુશ જણાવ. સરકારી-કાનૂની મામલે સચેત રહેવું પડે. દાંપત્યજીવનમાં મધૂરપ જણાય. સંતાનના પ્રશ્નો ઉકેલાતા રાહત જણાય. નોકરિયાત વર્ગને ઉપરી અધિકારીની સિફારિશથી બઢતી મળે. તા. ૨ થી ૫ સરળતા રહે. તા. ૬ થી ૮ લાભદાયી.
Cancer (કર્ક: ડ-હ)
આપના માટે વ્યાપાર-ધંધામાં પ્રતિકૂળતા સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન વ્યાપાર-ધંધા ક્ષેત્રે નાની-મોટી રૂકાવટો અડચણો આવવાની શક્યતા જણાય છે. માનસિક સ્થિતિ ડામાડોળ જણાય. સ્વાસ્થ્ય સંબંધી ચિંતા-પરેશાની રહ્યા કરે. ઘર-પરિવારમાં કલેશ-કલહનું વાતાવરણ જણાય. ભાઈ-ભાંડુ સાથે મતભેદ ઉદ્ભવે. યાત્રા-પ્રવાસ લાભદાયી સાબિત થાય. વગદાર વ્યક્તિની મદદથી આપની સમસ્યાનો ઉકેલ મેળવી શકો. નાણાકીય સ્થિતિ સુધરતી જણાય. તા. ૨ થી ૫ યાત્રા-પ્રવાસ. તા. ૬ થી ૮ રૂકાવટો-અડચણો જણાય.
Leo (સિંહ: મ-ટ)
તમારા માટે દોડધામ-વ્યસ્તતા કરાવનારૂ સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપને કોઈ ને કોઈ કારણોસર દોડધામ રહ્યા કરે. માનસિક ચિંતા-ઉદ્વેગ-ઉચાટ રહ્યા કરે. વ્યાપાર-ધંધા-વ્યવસાયમાં વાતાવરણ શુભ જણાય. નોકરિયાત વર્ગને સમય મધ્યમ લાભદાયી પસાર થાય. આપનું સ્વાસ્થ્ય નબળું જણાય. ઘર-પરિવારમાં વાતાવરણ શાંતિ અને સુલેહભર્યું બની રહે. નાણાકીય લેવડ-દેવડમાં ધ્યાન રાખવું. એકંદરે ધૈર્ય અને કુનેહપૂર્વક કાર્ય કરવું. તા. ૨ થી ૫ વ્યસ્તતા રહે. તા. ૬ થી ૮ મિશ્ર.
Virgo (કન્યા: પ-ઠ-ણ)
આપના માટે મનની શાંતિ અને સ્વસ્થતા સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપની ચિંતાના આવરણો દૂર થઈ માનસિક શાંતિ અને સ્વસ્થતા પામી શકશો. આપના મક્કમ મનોબળથી આપના પડતર કાર્ય પૂર્ણ કરી શકશો. યાત્રા-મુસાફરીના યોગ જણાય છે. શારીરિક સ્વાસ્થ્ય જોખમાય તેવી શક્યતા જણાય છે. દાંપત્યજીવનમાં ચકમક ઝરે તેવા પ્રસંગો બનવા પામે. સંતાન બાબતે ચિંતા રહ્યા કરે. વ્યાવસાયિક ક્ષેત્રે સ્થિતિ સાનુકૂળ બનતી જણાય. માન-સન્માન મળે. તા. ૨ થી ૫ માનસિક શાંતિ. તા. ૬ થી ૮ પ્રવાસ-પર્યટન.
Libra (તુલા: ર-ત)
તમારા માટે નવીન તક સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપને આપના કાર્યક્ષેત્રે નવીન તકો પ્રાપ્ત થતી જણાય. નવા વિચારો કે યોજનાઓ અમલમાં મૂકી શકશો. સામાજિક-જાહેરજીવન ક્ષેત્રે સંકળાયેલા જાતકોએ સાવધાની રાખવી. વિદ્યાર્થીઓને મહેનતનું ફળ આશા મુજબનું મળે. સંતાન બાબતેના પ્રશ્નોનું સમાધાન મળી રહે. વ્યાપાર-ધંધા-વ્યવસાયમાં અણધારી મુસિબત આવતી જણાય. વાણી ઉપર સંયમ રાખવો. જમીન-મકાન-વાહનના ખરીદીના યોગ બને. તા. ૨ થી ૫ નવીન કાર્ય થાય. તા. ૬ થી ૮ સાવધાની રાખવી.
Scorpio (વૃશ્ચિક: ન-ય)
આપના માટે તડકા-છાયા જેવી પરિસ્થિતિ સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન આપે પડવા-વાગવાથી સાવધાની રાખવી. કૌટુંબિક વિખવાદ રહ્યા કરે. સ્થિતિમાં મંદ ગતિએ સુધાર જોવા મળે. માનસિક સ્વસ્થતા પરત મેળવી શકશો. નોકરી-ધંધામાં મન પરોવીને મહેનત કરશો. ધાર્મિક બાબતોમાં વૃદ્ધિ થતી જણાય. વ્યાપાર-ધંધામાં નોંધપાત્ર લાભ મળે. વિદ્યાર્થીઓને શુભ સમાચાર મળે. સ્વાસ્થ્ય બાબતે ઋતુજન્ય બીમારીઓ થવાની શક્યતા જણાય. દાંપત્યજીવનમાં ઉગ્રતા જોવા મળે. તા. ૨ થી ૫ મિશ્ર. તા. ૬ થી ૮ સાનુકૂળતા.
Sagittarius (ધન: ભ-ધ-ફ-ઢ)
તમારા માટે સાવચેત રહેવાની સલાહ આપતું સપ્તાહ શરૂ થવા જાય છે. આ સપ્તાહના સમયગાળા દરમિયાન શત્રુ વિરોધીઓથી સાવચેત રહેવું સલાહભર્યું બની રહે. આપનું સ્વાસ્થ્ય નબળું જણાય. દાંપત્યજીવનમાં અનેરો આનંદ-પ્રેમ-લાગણીનો અનુભવ થાય. પડવા-વાગવાથી સાચવવું. કુટુંબ-પરિવારમાં મતેભદ હશે તો તેનો ઉકેલ લાવવા સમર્થ બની રહેશો. યાત્રા-પ્રવાસ દ્વારા આર્થિક લાભ મેળવી શકશો. ભાગ્યનો સાથ રહેવાને કારણે પ્રગતિ સાધી શકશો. મિલન-મુલાકાત ફળદાયી નિવડે. સંતાન બાબતે ચિંતા હશે તો દૂર થશે. તા. ૨ થી ૫ સાવચેત રહેવું. તા. ૬ થી ૮ લાભદાયી.
Capricorn (મકર: ખ-જ)
આપના માટે મધ્યમ ફળદાયી સપ્તાહ શરૂ થવા જઈ રહ્યું છે. આ સપ્તાહ દરમિયાન ચિંતા-ટેન્શનમાં વધારો થાય. મહત્ત્વના કાર્યોમાં અવરોધો આવતા જણાય. વ્યાપાર-ધંધા ક્ષેત્રે નિયમિતતા જાળવવી જરૂરી બને. ઘર-પરિવાર બાબતે સમય સુખપૂર્ણ રહે. ગૃહસ્થજીવનમાં કોઈ ગેરસમજ કે વિવાદ હશે તો દૂર થાય. સ્વાસ્થ્ય બાબતે ખાસ કોઈ સમસ્યા જણાતી નથી. સામાજિક જીવનમાં વ્યસ્તતામાં વધારો થાય. યાત્રા-પ્રવાસ આનંદદાયકની સાથે ખર્ચાળ પૂરવાર થાય. તા. ૨ થી ૫ વ્યસ્તતા. તા. ૬ થી ૮ પારિવારિક કાર્ય થાય.
Aquarius (કુંભ: ગ-શ-સ)
તમારા માટે ધારેલા કાર્યો પૂર્ણ કરાવતું સપ્તાહ શરૂ થઈ ગયું છે. આ સમયગાળા દરમિયાન નસીબ આપને સાથ આપતા ધારેલા કાર્યોમાં સરળતા-સુગમતા રહે. વ્યવસાય ક્ષેત્રે નવા કોલ-કરાર થઈ શકે. આર્થિક સ્થિતિમાં નોંધપાત્ર સુધારો જોવા મળે, જો કે સ્વાસ્થ્ય બાબતે સંભાળ રાખવી જરૂરી બને. બહારના ખાન-પાન ઉપર નિયંત્રણ રાખવું અન્યથા ડોક્ટરની પરાણે મુલાકાતે જવું પડી શકે છે. જમીન-મકાન, મિલકતના કાર્યો ઉકેલાઈ શકે છે. વડીલ વર્ગથી લાભ થાય. તા. ૨ થી ૫ શુભ ફળદાયી. તા. ૬ થી ૮ આરોગ્ય સાચવવું.
Pisces (મીન: દ-ચ-ઝ-થ)
આપના માટે આર્થિક લાભ અપાવતું સપ્તાહ શરૂ થાય છે. આ દિવસો દરમિયાન ધંધા-રોજગાર ક્ષેત્રે સફળતા પ્રાપ્ત થઈ શકે. નાણાકીય સ્થિતિ મજબૂત બનતા આર્થિક તંગીમાંથી બહાર આવી શકો. રોકાયેલા-અટવાયેલા નાણા પરત મળતા રાહત અનુભવશો. સામાજિક જીવનમાં શત્રુ વિરોધીઓથી સાવધાન રહેવું અન્યથા માનહાનીનો ભોગ બની શકો છો. આરોગ્ય નરમ-ગરમ રહેવા પામે. કૌટુંબિક ક્ષેત્રે સમય આનંદપૂર્ણ પસાર થાય. ભાઈ-ભાંડુ સાથે હળવા-મળવાનું થાય. તા. ૨ થી ૫ લાભદાયી. તા. ૬ થી ૮ મધ્યમ.
અન્ય સમાચારો
