ગાંધીનગરના વહીવટી તંત્રને હવે છેક ખબર પડી કે 'ખાડા' દ્વારકામાં નથી!

Author: નોબત સમાચાર

ગાંધીનગરના વહીવટી તંત્રને હવે છેક ખબર પડી કે 'ખાડા' દ્વારકામાં નથી!

અંતે... ખંભાળિયા પ્રાંત અધિકારીની 'ખાડા'ના મુખ્ય અધિકારી તરીકે નિમણૂકઃ

ખંભાળિયા તા. ૧૬: રાજ્યનું વહીવટી તંત્ર કેવું કામ કરતું હોય છે તેનો નમૂનો જોવા જેવો છે. તાજેતરમાં લાંબા સમય પછી ખંભાળિયા વિસ્તાર વિકાસ મંડળ 'ખાડા'ના મુખ્ય અધિકારીની લાંબા સમયથી ખાલી પડેલી જગ્યા પર ગાંધીનગરની વહીવટી તંત્ર દ્વારા દ્વારકા પ્રાંત અધિકારીનો નમિણૂક હુકમ થયો હતો! દ્વારકા પ્રાંત ખંભાળીયાથી ૮૦ કિલોમીટર દૂર હોય, તથા દ્વારકા તેનું કાર્યતંત્ર છે ત્યારે વહીવટી તંત્ર દ્વારા આવો હુકમ થયો હતો, જો કે મહિનાઓ સુધી આ હુકમ પછી પણ દ્વારકા પ્રાંત અહીં આવતા ન હતાં, પરંતુ તાજેતરમાં આ અખબાર દ્વારા આ મુદ્દો વર્તમાનપત્રમાં પ્રકાશીત કરાતા સ્થાનિક ગાંધીનગર તંત્રને ખબર પડી કે ઓહો! આમાં તો કાચું કપાયું છે.

તાકીદે ખંભાળિયા વિસ્તાર વિકાસ મંડળના વહીવટી મુખ્ય અધિકારી તરીકે પ્રાંત દ્વારકાના અમોલ અવારેને બદલીને ખંભાળિયા પ્રાંત અધિકારી કે.કે. કરમટાની નિમણૂક કરવામાં આવી છે.

રાજ્યકક્ષાના વહીવટી તંત્રને ખંભાળિયામાં દ્વારકા કામ કરતા હોય તેમને ના મૂકી શકાય તેટલું પણ ખબર નહીં હોય. જાગૃત પત્રકારીતાથી એક વહીવટી સરળતા થતા લોકોમાં પણ આનંદની લાગણી ફેલાઈ છે.

જો આપને આ પોસ્ટ ગમી હોય તો શેર કરો...