Author: નોબત સમાચાર
જામનગરના અલિયા પાસે રૂ. ૪.૭૯ કરોડના ખર્ચે કોઝ-વેના સ્થાને મેજર બ્રિજનું નિર્માણ
બે સ્ટેટ હાઈ-વે ને પરસ્પર જોડે છેઃ
જામનગર તા. ર૧: જામનગર તાલુકાના અલિયા ગામ નીક રૂ. ૪ કરોડ ૭૯ લાખના ખર્ચે મેજર બ્રિજનું નિર્માણ થતા ચોમાસા દરમિયાન લોકોને પડતી મુશ્કેલીનો અંત આવ્યો છે.
જામનગર તાલુકાના અલિયા ગામથી ચાવડા સ્ટેટ હાઈ-વે જતા રોડ પર હબીબનગર પાસે આવેલ વર્ષો જુનો બેઠો કોઝ-વે આવેલ હતો. આ રસ્તો અલિયાબાડા-વીજરખી રોડ સ્ટેટ હાઈ-વેથી બીજી તરફ આવેલા કાલાવડ-વંથલી-ફલ્લા સ્ટેટ હાઈ-વેને જોડતો ભારે ટ્રાફિક ધરાવતો ખૂબ જ અગત્યનો રસ્તો છે, જેમાં ચોમાસા દરમિયાન વરસાદનું પાણી ઓગર ટોપીંગ થતુ હોય, રસ્તો બંધ થઈ જતો હતો. ઉપરાંત ઘણાં વર્ષોથી નદી પર બ્રિજ ન હોવાના કારણે ભારે વરસાદ દરમિયાન આજુબાજુના લોકોને તથા વાહનચાલકોને મુશ્કેલી થતી હતી.
જામનગર માર્ગ અને મકા (પંચાયત) વિભાગ દ્વારા સરકારમાં કોઝ-વેની જગ્યાએ મેજર બ્રિજ બનાવવાની દરખાસ્ત કરવામાં આવી હતી. મંજુરી મળ્યા પછી રૂ. ૪ કરોડ ૭૯ લાખના ખર્ચે ૧ર મીટરના ૧૩ સ્પાનનો મેજર બ્રિજ, રસ્તા રિસફેંસની તથા રસ્તા પર આવતા અન્ય બેઠા પુલોની જગ્યાએ નવા ૪ સ્પાન ૧૦ મીટરના માઈનોર બ્રિજની કામગીરી કરવામાં આવી છે. બ્રિજ તથા રસ્તાના નિર્માણથી સ્થાનિક જનતાને મોટા પ્રમાણમાં લાભ મળશે. ઉપરાંત ભૌગોલિક રીતે મહત્ત્વપૂર્ણ બન્ને તરફના વિસ્તારો હવે બન્ને તરફના રાજ્ય ધોરીમાર્ગો સાથે સરળતાથી જોડાઈ જશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
