Author: નોબત સમાચાર
દરેડમાંથી રાંધણગેસનું ગેરકાયદે રીફીલીંગ કરતા શખ્સની એસઓજી દ્વારા અટકાયત
સ્થળ પરથી ખાલી-ભરેલા બાટલા, નોઝલ ઝબ્બે લેવાયાઃ
જામનગર તા. ૧૩: જામનગર નજીકના દરેડમાં શાંતિનગરમાંથી સ્પેશિયલ ઓપરેશન ગ્રુપે ગઈકાલે એક શખ્સને રાંધણગેસનું ગેરકાયદે રીફીલીંગ કરતો પકડી પાડ્યો છે. સ્થળ પરથી ગેસ ભરેલો અડધો બાટલો અને ત્રણ ખાલી બાટલા સહિતનો મુદ્દામાલ કબજે કરાયો છે.
જામનગર નજીકના દરેડ ગામમાં આવેલા શાંતિનગરમાં એક શખ્સ ગેરકાયદેસર રીતે રાંધણગેસના બાટલામાંથી ખાલી બાટલામાં રીફીલીંગ કરતો હોવાની બાતમી પરથી જામનગરના સ્પેશિયલ ઓપરેશન ગ્રુપના સ્ટાફે ગઈકાલે સાંજે શાંતિનગરમાં દરોડો પાડ્યો હતો.
ત્યાંથી મસીતિયા ગામનો આસિફ સીદીક ખફી નામનો શખ્સ રાંધણગેસના બાટલામાં રીફીલીંગ કરતો મળી આવ્યો હતો. કોઈપણ જાતના સેફ્ટીના સાધન રાખ્યા વગર જ આ શખ્સ એક અડધા ભરેલા બાટલામાંથી અન્ય ખાલી બાટલામાં રીફીલીંગ કરતો હતો ત્યારે પોલીસ ત્રાટકી હતી. સ્થળ પરથી બે મોટા અને એક નાનો ખાલી બાટલો તેમજ અડધો ગેસ ભરેલો બાટલો, નોઝલ, વજનકાંટો મળી આવ્યા હતા. આ શખ્સ સામે પંચકોશી બી ડિવિઝન પોલીસ સ્ટેશનમાં ગુન્હો રજીસ્ટર કરાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
