Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
પૂર્વ કોર્પોરેટર વિનુભાઈ ધ્રુવ દ્વારા
જામનગર તા. ૩૦: જામનગર અને હાલારની ભૂમિએ વિશ્વના ક્રિકેટ જગતમાં અનેક દિગ્ગજ ક્રિકેટ ખેલાડીઓની ભેટ આપી છે. આવા દિગ્ગજ ક્રિકેટરોની ભૂમિમાં હાલારના ગૌરવવંતા ઈતિહાસને પ્રદર્શિત કરતુ મ્યુઝિયમ બનાવવા પૂર્વ કોર્પોરેટર વિનુભાઈ ધ્રુવે મ્યુનિ. કમિશનરને આવેદનપત્ર પાઠવી રજૂઆત કરી છે. આ ઉપરાંત સ્પોર્ટસ સંકુલમાં ક્રિકેટર્સ ગેલેરી રચવા અથવા જાહેર સ્થળો પર મહાન ક્રિકેટરની પ્રતિમા મૂકવા પણ સૂચન કર્યું છે.
જામનગર અને હાલારની ભૂમિએ અત્યાર સુધીમાં એવા મહાન ક્રિકેટરો આપ્યા છે કે, જેની વિશ્વ ક્રિકેટ ઈતિહાસએ નોંધ લીધી છે. તેઓના નામે વિક્રમો પણ નોંધાયેલા છે. તેમજ તેઓના નામની રાષ્ટ્રીય કક્ષાની ક્રિકેટ ટ્રોફી પણ રમાડવામાં આવે છે. (દા.ત. રણજી ટ્રોફી, દુલીપ ટ્રોફી, વિજય મર્ચન્ટ ટ્રોફી, વિનુ માંકડ ટ્રોફી વિગેરે). આ ટુર્નામેન્ટમાં ઉજળું પ્રદર્શન કરનારા સારા ખેલાડીઓને રાષ્ટ્રીય ક્રિકેટ ટીમમાં સ્થાન પણ મળે છે. હાલારના આવા મહાન ક્રિકેટરોમાં બેટ્સમેન જામ રજીણ, ફાસ્ટ બોલર દુલીપસિંહજી, ફાસ્ટ બોલર અને ઓલરાઉન્ડર અમરસિંહજી, મૂળ રાજકોટના પણ નવાનગર સ્ટેટના અધિકારીની નોકરી હતી તેવા રામજી બનીઆ,
વિનુ માંકડ, સલીમ દુરાની, વિજય મર્ચન્ટ (મૂળ ખંભાળિયા), ઈન્દ્રજીતસિંહ, ઓલરાઉન્ડર અજય જાડેજા અને હવે વિશ્વના ટોપ ઓલરાઉન્ડર રવિન્દ્ર જાડેજાનો સમાવેશ થાય છે.
હાલારના આવા ભવ્ય ક્રિકેટ વારસાથી લોકો અને આવનારી પેઢી તેમજ ભાવિ નવોદિત ખેલાડીઓ વાકેફ થાય અને તેઓને પણ પ્રેરણા મળે તેવા કોઈ સ્થાનની કે આયોજનની જરૂર છે. ભારત સરકાર અને રાજ્ય સરકાર જ્યારે નેશનલ સ્પોર્ટસ ઉજવી રહી છે ત્યારે જામનગરમાં આ મહાન ક્રિકેટરોની પ્રતિમાઓ જુદા જુદા સ્થળે મૂકાય, અથવા તો નવા બની રહેલા સ્પોર્ટસ સંકુલોમાં તેઓની કારકિર્દીની ટૂંકી વિગતો સાથેની પ્રતિમા મૂકાય અથવા તો આ સ્પોર્ટસ સંકુલોમાં તેઓની તસ્વીર સાથેની મહાન ક્રિકેટરો અંગે સંપૂર્ણ વિગતો જોવા-વાચવા મળે તેવી એક ક્રિકેટર્સ ગેલેરીની રચના થાય તેવી જામનગરના ક્રિકેટ પ્રેમીઓની લાગણી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial