Author: નોબત સમાચાર
જામનગરના જિલ્લા કલેક્ટરે જાયવા ગ્રામ પંચાયત, સ્કૂલ અને સૌરાષ્ટ્ર ગ્રામીણ બેંકની લીધી મુલાકાતઃ સૂચનો કર્યા
પ્રાથમિક શાળાના આચાર્ય, શિક્ષકો-સ્થાનિક આગેવાનોની પીઠ થાબડીઃ મધ્યાહ્ન ભોજનની ચકાસણી કરી
જામનગર તા. ર૪: જામનગર જિલ્લા કલેક્ટર કેતન ઠક્કરે જાયવા ગ્રામ પંચાયતની મુલાકાત લઈ રેકર્ડ ચકાસણી કરી હતી. કલેક્ટરે જાયવા પ્રાથમિક શાળાની મુલાકાત દરમિયાન બાળકો સાથે સંવાદ કરી મધ્યાહ્ન ભોજન કેન્દ્રની મુલાકાત લઈ ભોજનની ગુણવત્તા ચકાસી હતી, અને સૌરાષ્ટ્ર ગ્રામીણ બેંકની પણ મુલાકાત લીધી હતી. ગામના લોકોને સરકારી યોજનાઓનો લાભ મળે તે પ્રકારે કામગીરી કરવા કલેક્ટરે લગત અધિકારીઓને સૂચન કર્યું હતું.
જામનગર જિલ્લા કલેક્ટર કેતન ઠક્કરે ધ્રોળ તાલુકાના જાયવા ગામે ગ્રામ પંચાયતની મુલાકાત લીધી હતી. તેઓએ રેકર્ડ ચકાસણી કરી લગત અધિકારીઓને જરૂરી સૂચનો કર્યા હતાં, તેમજ વેરા વસૂલાત, ડિજિટલ ટેકનોલોજીનો વધુ ઉપયોગ કરવા, દબાણો દૂર કરવા તથા ગ્રામજનોને સરકારી યોજનાઓનો લાભ મળે તે પ્રકારે કામગીરી કરવા સરપંચશ્રી તથા અધિકારીઓને જણાવ્યું હતું.
કલેક્ટરે જાયવા પ્રાથમિક શાળાની મુલાકાત લઈ શાળામાં વિદ્યાર્થીઓ, શિક્ષકો તથા ક્લાસરૂમની સંખ્યા તેમજ ફાયર સેફ્ટી અંગે માહિતી મેળવી હતી. તેઓએ શાળાના સ્માર્ટ ક્લાસરૂમપની મુલાકાત દરમિયાન વિદ્યાર્થીઓ અંગે માહિતી મેળવી હતી. તેઓએ શાળાના સ્માર્ટ ક્લાસરૂમની મુલાકાત દરમિયાન વિદ્યાર્થીઓ સાથે સંવાદ કર્યો હતો. તે પછી મધ્યાહ્ન ભોજન કેન્દ્રની મુલાકાત લઈ બાળકોને આપવામાં આવતા ભોજનની જાતે ચકાસણી કરી હતી તથા શિક્ષકોને શાળાના પટાંગણમાં વૃક્ષોનું વાવેતર કરવા તથા વિદ્યાર્થીઓને કિચન ગાર્ડનીંગ શીખવાડવા જણાવ્યું હતું. જાયવા પ્રાથમિક શાળામાં જરૂરિયાતની તમામ સુવિધાઓ ઉપલબ્ધ હોવા અને તથા સારી રીતે શાળાનું સંચાલન થઈ રહ્યું હોવાથી કલેક્ટરે આચાર્યને અભિનંદન પાઠવ્યા હતાં તથા શિક્ષકોની અને અગ્રણીઓની કામગીરીને બિરદાવી હતી. કલેક્ટરે બાદમાં સૌરાષ્ટ્ર ગ્રામીણ બેંકની મુલાકાત લઈ બેંકની કામગીરી વિષે માહિતી મેળવી ત્યાં ઉપસ્થિત ગ્રાહકો સાથે વાતચીત કરી હતી.
તેઓની આ મુલાકાત દરમિયાન ધ્રોળ પ્રાંત અધિકારી સ્વપ્નિલ સિસલે, ધ્રોળ મામલતદાર વી.એન. પરમાર, અધિકારીઓ, સરપંચ વગેરે ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
