Author: નોબત સમાચાર
જામનગરમાં મહત્તમ તાપમાન ૩૧.પ ડીગ્રી
એક ડીગ્રીના ઘટાડા સાથે
જામનગર તા. ર૬: જામનગરમાં છેલ્લા ચોવીસ કલાકમાં વધુ એક ડીગ્રી ઘટીને મહત્તમ તાપમાન ૩૧.પ ડીગ્રી નોંધાયું હતું. વાદળછાંયા વાતાવરણ વચ્ચે પ્રજાજનો ઠંડી અને ગરમીભરી મિશ્ર ઋતુની અનુભૂતિ કરી રહ્યા છે.
જામનગરમાં ખાસ કરીને છેલ્લા બેથી ત્રણ દિવસથી વાતાવરણમાં પલટો આવ્યો છે. નભમાં વાદળોનો જમાવડો જોવા મળી રહ્યો છે. વાદળોના આંટાફેરાના પગલે જમીન પર ક્યારેક તડકો તો ક્યારેક છાયડો જોવા મળ્યો છે. સવારે ઠંડક તો બપોરે ગરમી પડી રહી છે. આમ પ્રજાજનો એક જ દિવસમાં બેવડી ઋતુનો અનુભવ કરી રહ્યા છે, જેની વિપરીત અસર જનઆરોગ્ય પર પણ પડી રહી છે. સરકારી તથા ખાનગી દવાખાના અને હોસ્પિટલોમાં શરદી, ઉધરસ, માથામાં દુઃખાવો તથા તાવના કેસ વધારે નોંધાઈ રહ્યા છે.
જામનગરમાં આજે સવારે પૂરા થતાં ચોવીસ કલાક દરમિયાન ૧ ડીગ્રી ઘટીને મહત્તમ તાપમાન ૩૧.પ ડીગ્રી જ્યારે ૧ ડીગ્રીના વધારા સાથે લઘુતમ તાપમાન ર૪.પ ડીગ્રી નોંધાયું હતું. વાતાવરણમાં ભેજનું પ્રમાણ ૬ ટકા ઘટીને ૮૬ ટકા રહ્યું હતું. પવનની ગતિ ઘટીને પ્રતિકલાકની સરેરાશ પ થી ૧૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
