Author: નોબત સમાચાર
ચઢામણી કરવાની ના પાડતા કાલાવડના નાની ભગેડી ગામના પ્રૌઢ પર ચારનો હુમલો
લાકડીથી ફટકારી પ્રૌઢનો પગ ભાંગી નખાયોઃ
જામનગર તા. ૧૪: કાલાવડના નાની ભગેડી ગામના એક પ્રૌઢે પોતાના ભાભીને ચઢાવતા રહેતા પાડોશી મહિલાને તેમ કરવાની ના પાડતા ઝઘડો થયા પછી બુધવારની રાત્રે આ પ્રૌઢ પર આ મહિલાના પતિ સહિતના ચારે લાકડીથી હુમલો કરી પગમાં ફ્રેક્ચર કરી નાખ્યું હતું.
કાલાવડ તાલુકાના નાની ભગેડી ગામના બસ સ્ટેન્ડ પાસે રહેતા દિલીપભાઈ ઠાકરશીભાઈ વિરાણી બુધવારે રાત્રે નવેક વાગ્યે ચોકમાં બેઠા હતા ત્યારે ત્યાં મોટરમાં ધસી આવેલા વિપુલ ભૂપતભાઈ, કેવીન ભૂપતભાઈ ઉર્ફે લાલા તથા એક અજાણ્યા શખ્સે ભૂપતભાઈ મોહનભાઈ તાળા સાથે મળી લાકડીથી હુમલો કરી ફ્રેક્ચર સહિતની ઈજા પહોંચાડી હતી.
આ બાબતની કરાયેલી ફરિયાદમાં જણાવાયા મુજબ દિલીપભાઈના ભાભી તથા પાડોશમાં રહેતા ભૂપતભાઈના પત્નીને સારા સંબંધ હતા અને તેમાં ભૂપતભાઈના પત્ની વાતો કરી દિલીપભાઈના ભાભીને ચઢાવતા હોવાથી દિલીપભાઈના પત્ની સાથે ઝઘડો થતો રહેતો હતો. તે વાત દિલીપભાઈએ ભૂપતભાઈના પત્નીને કહી અમારા ઘર પાસેથી નીકળતા નહી અને અમારી પંચાત કરતા નહી તેમ કહેતા ઝઘડો થયો હતો.
ત્યારપછી ભૂપતભાઈ તાળાએ ગાળો ભાંડી હતી અને તે પછી દિલીપભાઈ જ્યારે ચોકમાં બેઠા હતા ત્યાં ભૂપતભાઈ આવ્યા હતા અને બાકીના ત્રણ શખ્સ મોટરમાં આવી માર મારી પતાવી દેવાની ધમકી આપી ગયા હતા. પોલીસે ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
