રૃા.૧૦ લાખના મુદ્દલ સામે રૃા.૧૫ લાખની માગણી કરી વેચાણ કરાર પર કરાવાઈ સહી

Author: નોબત સમાચાર

રૃા.૧૦ લાખના મુદ્દલ સામે રૃા.૧૫ લાખની માગણી કરી વેચાણ કરાર પર કરાવાઈ સહી

એક મહિનાનું ૫૦ હજાર વ્યાજ ચૂકવ્યા પછી પણ ધમકીઃ

જામનગર તા. ૧૫ઃ જામનગરના એક આસામીએ મસીતીયા ગામના શખ્સ પાસેથી રૃા.૧૦ લાખ પાંચ ટકાના વ્યાજે મેળવી એક મહિનાનું રૃા.૫૦ હજાર વ્યાજ ચૂકવી આપ્યા પછી પણ પૈસા ધિરનાર શખ્સે તેઓની જમીનના વેચાણ કરાર પર બળજબરીથી સહી કરાવી લઈ રૃા.૧૫ લાખની માગણી કરી ધમકી આપતા પોલીસમાં ફરિયાદ કરાઈ છે.

જામનગરના ખોજાનાકા વિસ્તારમાં આવેલી સોઢાવાડી પાસે વસવાટ કરતા શબ્બીરહુસેન ઉમરભાઈ હમીરકા નામના આસામીને પૈસાની જરૃર પડતા તેઓએ ગયા સપ્ટેમ્બર મહિનામાં મસીતીયા ગામના હાજી હમીરભાઈ ખફી પાસેથી રૃા.૧૦ લાખ દર મહિને પાંચ ટકાના વ્યાજે હાથઉછીના લીધા હતા.

આ રકમ આપતી વખતે હાજી ખફીએ રૃા.૧૦ લાખનો ચેક આપી તેમાંથી રૃા.૫૦ હજાર વ્યાજ પેટે રોકડા મેળવી લીધા હતા. ત્યારપછી થોડા દિવસ વિત્યે પૈસા આપ્યા છે તેનું લખાણ કરવા માટે શબ્બીરહુસેનને આવવા કહેવાતા મંગળવારે રાત્રે સાડા અગિયારેક વાગ્યે સુમેર કલબ રોડ પર હોટલ નજીક શબ્બીરહુસેન આવ્યા હતા.

આ વેળાએ હાજી ખફીએ બળજબરીથી શબ્બીરહુસેનની મેમાણા ગામમાં આવેલી જમીનના વેચાણ કરાર પર સહી કરાવી લીધી હતી અને પછી ફોન કરી રૃા.૧૫ લાખની માગણી કરી ગાળો ભાંડવા ઉપરાંત જમીન કોઈને વેચવા નહી દઉં તેવી ધમકી આપી હતી. સિટી એ ડિવિઝનમાં શબ્બીરહુસેને તેની ફરિયાદ નોંધાવી છે.

જો આપને આ પોસ્ટ ગમી હોય તો શેર કરો...