જામનગર મહાનગરપાલિકાની સ્ટેન્ડિંગ કમિટીની બેઠકમાં ૬ કરોડ ૮૮ લાખની દરખાસ્તોને મંજૂરી

Author: નોબત સમાચાર

જામનગર મહાનગરપાલિકાની સ્ટેન્ડિંગ કમિટીની બેઠકમાં ૬ કરોડ ૮૮ લાખની દરખાસ્તોને મંજૂરી

૨૧૨૧ ચો. મી.જમીન વેચાણથી રૂ.૧૩. ૪૦ કરોડની થશે આવકઃ

જામનગર તા. ૧૨: જામનગર મહાનગરપાલિકાની સ્ટેન્ડિંગ કમિટીની બેઠક આજે બપોરે મળી હતી. જેમાં કુલ રૂપિયા ૬ કરોડ ૮૮ લાખની રકમના જુદા જુદા વિકાસ કામોને મંજૂરી આપવામાં આવી હતી.

જામનગર મહાનગર પાલિકાની સ્ટેન્ડીંગ કમિટીની બેઠક આજ તા. ૧૨-૧૧-૨૦૨૫ના નિલેશ બી. કગથરાના અધ્યક્ષ સ્થાને મળેલ હતી. તેમાં કુલ ૧૨ સભ્યો ઉપરાંત મેયર વિનોદભાઈ ખીમસૂર્યા ડે. મેયર ક્રિષ્નાબેન સોઢા, કમિશનર ડી.એન.મોદી, ડે. કમિશનર દેવેન્દ્રસિંહ ઝાલા, સિટી એન્જીનિયર ભાવેશભાઈ જાની, આસી. કમિશનર (વ.) મુકેશભાઈ વરણવા, ઈચા , આસી. કમિશનર (ટે.) જીજ્ઞેશ નિર્મલ હાજર રહૃાા હતા. આ સમયે જામનગર સિટી કલીન એર એક્શન પ્લાન બુકનું વિમોચન કરવામાં આવ્યું હતું

શહેરના જુદા જુદા વિસ્તારોમાં બોર કરીને સબ મર્શીબલ પમ્પ ફીટ કરવા (૨ વર્ષ માટે) ના કામ અંગે કમિશનરની રજુ થયેલ દરખાસ્ત પેન્ડીંગ રાખવાનો નિર્ણય કરવામાં આવ્યો હતો.

સિકયોરીટી ગાર્ડ, કોમ્પ્યુટર ઓપરેટર અને અન્ય સ્ટાફ ઓફ રણમલ લેઈક તથા ખંભાળીયા ગેઈટમાં ત્રણ વર્ષ માટે રૂ. ૧૮.૬૭ લાખ, ગાર્ડનીંગ સ્ટાફ ઓફ જયુબેલી ગાર્ડનમાં ત્રણ વર્ષ માટે બીજા વર્ષનું ખર્ચ રૂ. ૪.૪૫ લાખ, ઓપરેશન એન્ડ મેઈન્ટેનન્સ વર્ક ઓફ સીસીટીવી, સાઉન્ડ સીસ્ટમ, લાઈટ એન્ડ સાઉન્ડ શો સીસ્ટમ એટ રણમલ લેઈક, લાખોટા કોઠા મ્યુઝીયમ એન્ડ અને ઓ એન્ડ એમ ઓફ પંચેશ્વર ટાવર કલોક એન્ડ લેન્ડસ્કેપ કલોક એટ રણમલ લેઈક - જામનગરના ત્રણ વર્ષ માટેનો ખર્ચ રૂ. ૨૭.૬૧ લાખ,

સોલીડ વેસ્ટ મેનેજમેન્ટ શાખા હસ્તકના વોર્ડ ઓફિસ, ઢોર ડબ્બા તથા શાખા લગત સિવિલ સ્ટ્રેન્ધનીંગ એન્ડ અપગ્રેડેશન બિલ્ડીંગ વર્કના કામ માટે રૂ. ૧૦ લાખ નો ખર્ચ, સોલીડ વેસ્ટ મેનેજમેન્ટ શાખા તથા એસ્ટેટ શાખા માટે લોબેડ ટ્રેઈલર (નંગ-૫) ખરીદવા માટેનું ખર્ચ રૂ. ૩૮.૦૫ લાખના ખર્ચને મંજૂરી આપવામાં આવી હતી.

જામનગર મહાનગરપાલિકાની ટી.પી. સ્કીમ નં. ૨ (જે.એમ.સી.) ફાઈનલ પ્લોટ નં. - ૬૭/પૈકીની (૨૧૨૧ ચો.મી.) જગ્યા શ્રીજી ઈન્ફ્રા. (ભાગીદારી પેઢી)ને વેચાણથી આપવા અંગે કમિશનરની ૨જુ થયેલ દરખાસ્તને મંજૂર રાખીને ભલામણ સાથે જનરલ બોર્ડમાં મોકલાવવા નિર્ણય લેવાયો હતો. આ જમીન વેચાણથી રૂ. ૧૩.૪૦ કરોડની આવક થશે.

સિવિલ ઈસ્ટ ઝોન (વોર્ડ નં.૧૦, ૧૧ અને ૧૨) માં સ્ટ્રેન્ધનીંગ એન્ડ અપગ્રેડેશન ઓફ બિલ્ડીંગ વર્કસના કામ અન્વયે રૂ. ૪.૬૩ લાખ, વોર્ડ નં.૧૧ જાડા ટી.પી. સ્કીમ નં.૨, ૧૨ મીટર પહોળા રોડ, વ્રજ વલ્લભ સોસાયટી એફ.પી. નં.૨૮/૧ થી ગૌશાળા (હાપા) મહાપ્રભુજીની બેઠક પાછળના વિસ્તારમાં સી.સી. રોડના કામ અંગે

રૂ. ૨૬૨.૩૧ લાખ, આઉટ ગ્રોથ એરીયાની ગ્રાન્ટ અંતર્ગત વોર્ડ નં. ૯, બેડી બંદર રીંગ રોડ, રવિપાર્ક સોસાયટી મેઈન રોડ પર સી.સી. રોડના કામ અંગે રૂ. ૭૪.૪૦ લાખ , વોર્ડ નં. ૬, તિરૂપતિ - ૨, સોસાયટીની આંતરીક શેરીઓમાં સી.સી. રોડના કામ અંગે રૂ. ૮૩.૩૮ લાખ , વોર્ડ નં. ૧૯, કનૈયા પાર્કમાં પરફેકટ મોટર ગેરેજવાળી અંદરની શેરીમાં સી.સી. રોડનું કામ., વોર્ડ નં. ૧૬ માં મારૂ કંસારા હોલ પાછળ એપાર્ટમેન્ટવાળી શેરીમાં અને આંગણવાડી વાળી શેરીમાં સી.સી. રોડનું કામ, વોર્ડ નં. ૧૬ માં કનૈયા પાર્ક, ચંદ્રેશભાઈના ગોડાઉનવાળી શેરીમાં સી.સી. રોડના કામ અંગે રૂ. ૧૯.૪૯ લાખ,

સિવિલ ઈસ્ટ ઝોન (વોર્ડ નં.૧૦, ૧૧ અને ૧૨) માં સ્ટ્રેન્ધનીંગ એન્ડ અપગ્રેડેશન ઓફ ગાર્ડન વર્કસના કામ અંગે રૂ. ૪.૫૫ લાખ , વોર્ડ નં. ૫, પોલીસ ચોકીની પાછળથી રૂત્વી વિહાર એપાર્ટમેન્ટ આગળ ડો. વિરાણીના ઘર સુધી સી.સી. રોડના કામ અંગે રૂ. ૧૩૫.૧૮ લાખ.

જામનગર મહાનગર સેવા સદનની જુદી જુદી શાખાઓ માટે ઝેરોક્ષ કામ કરવા સને ૨૦૨૫-૨૬ નો વાર્ષિક રેઈટ કોન્ટ્રાકટ માટે રૂ. ૬ લાખનો ખર્ચ મંજૂર કરવામાં આવ્યો હતો.

આમ આજની આ બેઠકમાં કુલ રૂપિયા રૂ. ૬ કરોડ ૮૮ લાખનો ખર્ચ અને જમીન વેચાણના કુલ રૂપિયા ૧૩ કરોડ ૪૦ લાખની આવક ની દરખાસ્ત મંજૂરી આપવામાં આવી હતી.

જો આપને આ પોસ્ટ ગમી હોય તો શેર કરો...