Author: નોબત સમાચાર
સર્વે કરવા ગયેલી ટીમને ગામ બહાર જ અટકાવી વિરોધ પ્રગટ કર્યો
ખંભાળિયા તાલુકાના સામોર ગામના ખેડૂતોનો આક્રોશઃ
ખંભાળિયા તા. ૩: દેવભૂમિ દ્વારકા જિલ્લાના ખંભાળિયાના સામોર ગામે માવઠાના કમોસમી વરસાદથી થયેલ નુક્સાન તથા તે સંદર્ભમાં સરકારની સહાયમાં ઢીલી નીતિના પગલે ખંભાળિયા તાલુકાના સામોર ગામમાં સર્વે કરવા આવેલી ટીમના કર્મચારીઓ તથા અધિકારીઓને ગામના ઝાંપા પર જ ગ્રામજનોના ટોળાએ રોકી દીધા હતાં તથા સરકાર દ્વારા ખેડૂતોનું સર્વસ્વ લૂંટાઈ ગયું. પાંક સંપૂર્ણપણે તબાહની સ્થિતિમાં થઈ ગયો ત્યારે પણ સરકારની ઢીલી નીતિની ટીકા કરી હતી તથા ખેડૂતો દ્વારા વિવિધ માગો કરવામાં આવી હતી.
ખેડૂતોની ત્રણ માગણી
સામોર ગામે મોટી સંખ્યામાં ભેગા થયેલા ખેડૂતો દ્વારા આક્રોશ વ્યક્ત કરીને મુખ્ય ત્રણ માગો વ્યક્ત કરવામાં આવી હતી. જીવાભાઈ આંબલિયા, નાથાભાઈ વારોતરિયા, રામશીભાઈ આહિર વિગેરે દ્વારા જણાવ્યા મુજબ ખેડૂતોને માટે સરકાર દ્વારા નક્કી કરાયેલ ટેકાના ભાવે મગફળીની ખરીદી તાકીદે શરૂ કરીને ર૦૦ મણની ખરીદી ખેડૂત દીઠ કરવામાં આવે. ખેડૂતોના તમામ લોન તથા ધીરાણ હાલની પાકની સ્થિતિ જોતા સંપૂર્ણપણે માફ કરવામાં આવે તથા કાગળ પર સહાયની જાહેરાતોને બદલે જમીની સ્તર પર તુરત જ નક્કર પગલાં લઈને સહાય તુરંત ચૂકવવા માગ કરવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
