Author: નોબત સમાચાર
કુપવાડામાં બે ઘુસણખોર આતંકી ઠાર
ઓપરેશન હજુ ચાલુ છેઃ સેના
શ્રીનગર તા. ૧૪: જમ્મુ કાશ્મીરના કુપવાડામાં નિયંત્રણ રેખા પર ઘૂસણખોરીનો પ્રયાસ નિષ્ફળ ગયો છે. સુરક્ષા દળોએ બે આતંકવાદીઓ ઠાર કર્યા છે. સર્ચ ઓપરેશ ચાલુ છે.
જમ્મુ અને કાશ્મીરના કુપવાડા જિલ્લામાં નિયંત્રણ રેખા (એલઓસી) નજીક ઘૂસણખોરીનો મોટો પ્રયાસ સુરક્ષા દળોએ નિષ્ફળ બનાવ્યો છે. સોમવારની મોડી સાંજે અને મંગળવારની સવારે થયેલી અથડામણમાં ભારતીય સેનાએ બે આતંકવાદીઓને ઠાર કર્યા છે. સેનાના સતર્ક જવાનોએ કુમકડી અને માછિલ જેવા વિસ્તારોમાં શંકાસ્પદ હિલચાલ જોઈને ગોળીબાર શરૂ કર્યો હતો.
આ વિસ્તારમાં અન્ય કોઈ ઘૂસણખોરની હાજરીની સંભાવનાને ધ્યાનમાં રાખીને સુરક્ષા દળો દ્વારા વ્યાપક તલાશી અને કોમ્બિંગ ઑપરેશન ચલાવવામાં આવી રહૃાું છે. જમ્મુ અને કાશ્મીર પોલીસના મહાનિરીક્ષક (આઇજીપી) વી કે બર્દી એ પણ બે આતંકવાદીઓના મૃતદેહ નિયંત્રણ રેખા નજીક કુમકડી વિસ્તારમાં જોવા મળ્યા હોવાની પુષ્ટિ કરી છે, પરંતુ ભૌગોલિક પડકારોને કારણે તેમને બહાર કાઢવાના પ્રયાસો ચાલુ છે.
સેનાના અધિકારીઓએ જણાવ્યું કે ઓપરેશન હજી ચાલુ છે અને ટૂંક સમયમાં વિગતવાર માહિતી આપવામાં આવશે. સરહદ પારથી શિયાળો શરૂ થાય તે પહેલાં આતંકવાદીઓની ઘૂસણખોરીના વધતા પ્રયાસો વચ્ચે સુરક્ષા દળોની આ સફળતા મહત્વપૂર્ણ માનવામાં આવે છે.
સુરક્ષા એજન્સીઓ માને છે કે શિયાળામાં બરફવર્ષા શરૂ થાય તે પહેલાં આતંકવાદી સંગઠનો નિયંત્રણ રેખા પાર કરીને ઘૂસણખોરીના પ્રયાસો તેજ કરી દે છે. આ પૃષ્ઠભૂમિમાં, કુપવાડા, તંગધાર અને કેરન સેક્ટરમાં સેનાની સતર્કતા વધારી દેવામાં આવી છે. આ સફળ ઓપરેશન એ વાતનો પુરાવો છે કે ભારતીય સેના સરહદોની સુરક્ષા માટે સંપૂર્ણપણે તૈયાર છે. ઓપરેશનની સમાપ્તિ પછી વધુ વિગતો જાહેર કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
