Advertisement
Author: નોબત સમાચાર

લાલપુરના બબરઝરમાં સોલાર પ્લાન્ટમાં તસ્કરીઃ કનેક્ટર, કોપર કેબલ ચોરાઈ ગયા

૨૦૦ મીટર વાયર કાપી દોઢેક લાખનું નુકસાન પણ કર્યું:

                                                                                                                                                                                                      

જામનગર તા. ૯: લાલપુરના બબરજર ગામમાં આવેલા સોલાર પ્લાન્ટમાં રવિવારની રાત્રિથી સોમવારની સવાર સુધીમાં ત્રાટકેલા કોઈ તસ્કરે ૮૦ નંગ કનેકટર તથા ૨૪૦૦ મીટર કોપર કેબલની ચોરી કરવા ઉપરાંત ૩૦૦ એમએમનો ૨૦૦ મીટર વાયર કાપી રૂ.દોઢેક લાખનું નુકસાન સર્જયું હતું. કંપનીના કર્મચારીની ફરિયાદ પરથી પોલીસે તપાસ આદરી છે.

લાલપુર તાલુકાના બબરજર ગામમાં એલ એન્ડ ટી કંપનીના ૨૧૦ મેગાવોટ સોલાર પ્લાન્ટમાં રવિવારની રાત્રે દસ વાગ્યાથી સોમવારની સવાર સુધીમાં કોઈ તસ્કરો ઘૂસી ગયા હતા.

તે પ્લાન્ટમાં રાખવામાં આવેલા સોલાર પેનલના ડીસી કનેકટરના જથ્થામાંથી ૮૦ કનેકટર ઉઠાવી જવા ઉપરાંત તસ્કરોએ ઈન્વર્ટર સુધી લંબાવવામાં આવેલા વાયરમાંથી અંદાજે ૨૪૦૦ મીટર કોપર કેબલ પણ કાપી લીધો હતો. તે ઉપરાંત ૩૦૦ એમએમનો અંદાજે ૨૦૦ મીટર ડીસી કેબલ કાપી નાખી અંદાજે રૂ.દોઢેક લાખનું નુકસાન કર્યું હતું.

આ બાબતની કંપનીના કર્મચારી અને ખંભાળિયામાં રહેતા જીગર જતીન્દ્રભાઈ ત્રિવેદીએ ફરિયાદ નોંધાવી છે. લાલપુર પોલીસે ગુન્હો નોંધી તપાસ શરૂ કરી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh