Author: નોબત સમાચાર
લાલપુરના નવાગામમાં પોરબંદરના યુવાન પર હુમલોઃ તેના ભાઈની માથાકૂટનો ખાર
ખેતરના શેઢે ખડ નાખવાની બાબતે વૃદ્ધા પર હુમલોઃ
જામનગર તા. ૧૦: કાલાવડના બાલંભડીમાં એક વૃદ્ધાને તેમના ખેતરના શેઢે ખડ નાખવાના મુદ્દે શેઢા પાડોશીએ ગાળો ભાંડી પાવડાથી માર માર્યાે હતો. જ્યારે લાલપુરના નવાગામમાં એક યુવાન પર તેના ભાઈની માથાકૂટનો ખાર રાખી એક શખ્સે ઢીકાપાટુથી માર મારી ધમકી આપી હતી.
કાલાવડ તાલુકાના બાલંભડી ગામમાં રહેતા વિજયાબેન નાગજીભાઈ સુતરીયા નામના ૬૦ વર્ષના વૃદ્ધા શનિવારે સવારે પોતાના ખેતરના શેઢે ખડ નાખતા હતા ત્યારે શેઢાપાડોશી ધીરૂભાઈ આંબાભાઈ સુતરીયા આવ્યા હતા અને તેઓએ ત્યાં ખડ નાખવાની ના પાડી ગાળો ભાંડી હતી. તેને ગાળો બોલવાની ના પાડતા ઉશ્કેરાયેલા ધીરૂભાઈએ પાવડાથી હુમલો કરી વિજયાબેનને માર મારી ધમકી આપી હતી.
લાલપુર તાલુકાના નવાગામમાં ગઈકાલે સાંજે પોરબંદરની નરસંગ ટેકરીમાં રહેતા ઉમેશભાઈ મશરીભાઈ કારાવદરા નામના યુવાનને બજારમાં રોકી લઈ રાજશીભાઈ રામદેભાઈ મોઢવાડીયા નામના શખ્સે ગાળો ભાંડી ઢીકાપાટુથી માર મારી ધમકી આપી હતી. અગાઉ રાજશીભાઈના ભાણેજ બળદેવ અને ઉમેશભાઈના ભાઈ ભરતને માથાકૂટ થઈ હતી. તે પછી ગઈકાલે ઉમેશભાઈ કરિયાણું લેવા આવ્યા ત્યારે રાજશીભાઈએ તેઓને રોકી લીધા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
