Author: નોબત સમાચાર
બરડિયા બાલિકા પંચાયત દ્વારા મહિલાઓમાં બચત જાગૃતિ તથા વહાલી દીકરી યોજનાનો લાભ
'બેટી બચાવો, બેટી પઢાઓ' અભિયાન અંતર્ગત
ખંભાળિયા તા. ૧૪: દેવભૂમિ દ્વારકા જિલ્લા મહિલા અને બાળ અધિકારીના માર્ગદર્શન હેઠળ ઓખા તાલુકાના છેવાડાના બરડીયા ગામમાં *બેટી બચાવો, બેટી પઢાઓ* અભિયાનને ચરિતાર્થ કરતી એક સુંદર પહેલ કરવામાં આવી હતી.
ગામની સક્રિય બાલિકા પંચાયતના સભ્યો દ્વારા ગામમાં જન્મેલી દીકરીઓના ઉજ્જવળ ભવિષ્ય તેમજ તેમના વાલીઓના સન્માન માટે આ આયોજન કરવામાં આવ્યું હતું. દીકરીઓને *વહાલી દીકરી યોજના*નો લાભ મળે તે હેતુથી બાલિકા પંચાયતના સભ્યોએ પરિવારજનોને મદદ કરીને ફોર્મ ભરવાની કામગીરી કરી હતી. ફોર્મ ભર્યા બાદ, આ દીકરીઓને પ્રોત્સાહન રૂપે *દીકરી વધામણા કીટ*નું વિતરણ કરવામાં આવ્યું હતું. અને દીકરીના જન્મની ખુશીને વધાવી હતી.
વધુમાં, ગ્રામીણ વિસ્તારની મહિલાઓને આર્થિક રીતે સશક્ત બનાવવાના ઉદ્દેશ્ય સાથે, બાલિકા પંચાયતના સભ્યો દ્વારા ગામની મહિલાઓને નજીકની પોસ્ટ ઓફિસની મુલાકાત કરાવવામાં આવી હતી. મુલાકાત દરમિયાન, મહિલાઓને પોસ્ટ ઓફિસની વિવિધ બચત યોજનાઓ અને તેના ફાયદાઓ વિશે વિસ્તૃત માહિતી આપીને નિયમિત બચત માટે પ્રેરણા આપવામાં આવી હતી. બરડીયા બાલિકા પંચાયતની આ પહેલ દીકરીઓના શિક્ષણ અને સશક્તિકરણની સાથે-સાથે મહિલાઓમાં નાણાકીય જાગૃતિ લાવવા માટે મદદરૂપ પુરવાર થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
