Author: નોબત સમાચાર
જામખંભાળિયામાં પત્રકારને રસ્તામાં રોકી બે શખ્સે ગાળો ભાંડી ધમકી આપ્યાની ફરિયાદ
ઉઘરાણીના મામલે બેડીના યુવાનને માર પડ્યોઃ
જામનગર તા. ૧૭: જામનગરના બેડી વિસ્તારમાં આગલા પૈસાની ઉઘરાણી કરી ગઈકાલે સાંજે એક યુવાન પર બે શખ્સે હુમલો કરી ધમકી ઠપકારી હતી. જ્યારે ખંભાળિયામાં એક પત્રકારને રસ્તામાં રોકી બે શખ્સે ગાળો ભાંડ્યા પછી જાનથી મારી નાખવાની ધમકી આપી હતી.
જામનગરના બેડી વિસ્તારમાં આવેલા આઝાદ ચોક નજીક દીવેલીયા ચાલીમાં વસવાટ કરતા દિલાવર સલીમભાઈ પાલાણી ગઈકાલે સાંજે ઘઉંના સરકારી ગોડાઉન પાસેથી પસાર થતા હતા ત્યારે મસીતીયાનો આરીફ સુમરા તથા ધરારનગર-રમાં રહેતો બાબો સુમરા આવી ચઢયા હતા.
આ બંને વ્યક્તિએ બાકી પૈસાની ઉઘરાણી કરી દિલાવરને ગાળો ભાંડયા પછી ફડાકા ઝીંકયા હતા. તે પછી આરીફે બાઈકની ચાવીમાં રહેલી છરીથી હુમલો કરી દિલાવરને ઈજા પહોંચાડી હતી અને બંને શખ્સે જાનથી મારી નાખવાની ધમકી આપી હતી.
ખંભાળિયા શહેરના નાગરપાડામાં રહેતા કરણભાઈ વસંતભાઈ જોષી નામના પત્રકાર શનિવારે રાત્રે જોધપુર નાકા પાસેથી જતા હતા ત્યારે માંઝા ગામના હરેશ રાજાભાઈ કારીયા ઉર્ફે હરીશ તથા એક અજાણ્યા શખ્સે તેઓને રોકી લીધા હતા. કરણભાઈ પત્રકાર તરીકે કામ કરતા હોવાથી તેનો ખાર રાખી હરીશ તથા તેની સાથે નશાની હાલતમાં રહેલા શખ્સે ગાળો ભાંડી પતાવી દેવાની ધમકી આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
