Author: નોબત સમાચાર
ભારત બંધ હેઠળ જામનગરમાં બેંક, પોસ્ટ, વીમા કર્મચારીઓની હડતાલઃ સુત્રોચ્ચાર
કેન્દ્ર સરકારની મજૂર-ખેડૂત-કામદાર વિરોધી નીતિ તથા દેશવિરોધી કોર્પોરેટ નીતિના વિરોધમાં
કેન્દ્ર સરકારની મજૂર-ખેડૂત વિરોધી અને દેશ વિરોધી કોર્પોરેટ નીતિના વિરોધમાં આજે જામનગર-હાલાર સહિત દેશભરમાં વિવિધ ટ્રેડ યુનિયનો દ્વારા આજે હડતાલનું એલાન આપવામાં આવ્યું. આથી આજે અનેક સરકારી બેંક, પોસ્ટ, વીમા સહિતની સેવામાં વિક્ષેપ ઊભો થયો છે. દેશના ૧૦ કેન્દ્રીય મજૂર સંગઠનો અને તેમના સંલગ્ન એકમોના એક મંચ દ્વારા સરકારની મજૂર વિરોધી, ખેડૂત વિરોધી અને દેશ વિરોધી કોર્પોરેટ નીતિના વિરોધમાં આજે તા. ૯ ના દેશભરમાં બંધ નું એલાન આપવામાં આવ્યું છે. ઓલ ઈન્ડિયા ટ્રેડ યુનિયન કોંગ્રેસના અમરજીત કૌરના જણાવ્યા મુજબ ૨૫ કરોડથી વધુ કર્મચારી/કામદારો આ હડતાલમાં જોડાયા છે. વધુમાં તેમણે જણાવ્યા મુજબ દેશભરના ખેડૂતો-ગ્રામીણ કામદારો પણ હડતાલમાં જોડાયા છે. હિન્દ મજદૂર સભાના હરભજનસિંઘ સિંધુએ જણાવ્યુું કે હડતાલના કારણે બેંકીંગ સેવાઓ, ટપાલ સેવાઓ, વીમા સેવા સહિતની સેવામાં વિક્ષેપ ઊભો થયો છે. આ સરકાર ખોટા વિરૂદ્ધ નિર્ણય લઈ રહી છે. દેશમાં બેરોજગારી વધી રહી છે. અવશ્યક ચીજોના ભાવો વધી રહ્યા છે અને વેતન ઘટી રહ્યા છે. આ તમામ મુદ્દાને ધ્યાનમાં રાખીને આજની હડતાલનું એલાન અપાયું છે. જામનગરમાં તમામ રાષ્ટ્રીય બેંકમાં આજે હડતાલ પાડવામાં આવી છે. અને બેંક કર્મચારીઓએ સુત્રોચાર કરી સરકાર સામે વિરોધ પ્રદર્શિત કર્યો હતો. આજે બેંકમાં કરોડો રૂપિયાના વ્યવહારો અટકી પડ્યા હતા તેમજ જામનગરની એલઆઈસી અને પોસ્ટ કચેરીના પણ અમુક કર્મચારીઓ હડતાલમાં જોડાતા સેવામાં વિક્ષેપ ઊભો થયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
