Author: નોબત સમાચાર
દીવાલમાં પ્લાસ્ટર કરાવવા માટે સામાન હટાવવાનું કહેવા ગયેલા મહિલાઓનો હુમલો
સમાધાન માટે ગયેલા વ્યક્તિઓ પર હલ્લોઃ
જામનગર તા. ૧૯: જામનગરના બેડી બંદર પર વજનકાંટા પર ટ્રક લઈ જવાની બાબતે બે ટ્રક માલિક વચ્ચે બોલાચાલી થયા પછી સમાધાન માટે ગયેલા બે યુવાન પર ત્રણ શખ્સ તૂટી પડ્યા હતા. જ્યારે વાલસુરા રોડ પર બે મહિલાએ પાડોશી યુવતી પર હુમલો કર્યાે હતો.
જામનગરના બેડીના થરી વિસ્તારમાં રહેતા હુસેન ગનીભાઈ ફફલના મિત્ર શબ્બીરને બેડીના બંદર પર કાંટા ઉપર ટ્રક લઈ જવા બાબતે સન્ની કંડોરીયા નામના શખ્સ સાથે બોલાચાલી થઈ હતી. તેના સમાધાન માટે શબ્બીર તેમજ હુસેન વગેરે મિત્રો ગુરૂવારે રાત્રે ગયા હતા.
આ વેળાએ સન્ની કંડોરીયા, હીરેન તથા કરણ કંડોરીયા નામના ત્રણ શખ્સે ગાળો ભાંડી ધોકા-પાઈપથી હુમલો કરવા ઉપરાંત હુસેન ગનીભાઈનો મોબાઈલ તોડી નાખ્યો હતો અને ડાબા હાથમાં કાંડા પાસે ફ્રેક્ચર કરી નાખ્યું હતું. સિટી સી ડિવિઝન પોલીસ સ્ટેશનમાં હુસેન ગનીભાઈએ ફરિયાદ કરી છે.
જામનગરના બેડેશ્વરથી વાલસુરા રોડ પર દરબારપાડામાં રહેતા સોનલબેન શંકરગીરી ગોસાઈ નામના ભાઈ તથા બહેન પાડોશમાં જ રહેતા મીનાબેન રમજુભા જાડેજાને કહેવા ગયા હતા કે, અમારા ઘરની દીવાલમાં પ્લાસ્ટર કરાવવાનું છે, તેથી તમારો સામાન અને દીવાલ પાસે લગાડેલી તમારી પાણીની પાઈપલાઈન કાઢી નાખજો.
આ વેળાએ મીનાબેન તથા આશાબેન રમજુભા જાડેજાએ બોલાચાલી કરી હતી અને ગાળો ભાંડી હતી. તેઓને ગાળો બોલવાની સોનલબેને ના પાડતા આશાબેને ઢીકાપાટુથી માર માર્યાની પોલીસમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
