જામનગરમાં ઝાકળવર્ષાઃ ન્યુનત્તમ ૧ર ડીગ્રી

Author: નોબત સમાચાર

જામનગરમાં ઝાકળવર્ષાઃ ન્યુનત્તમ ૧ર ડીગ્રી

તાપમાન અઢી ડીગ્રી વધ્યુંઃ ભેજનું પ્રમાણ ૮૪ ટકાઃ

જામનગર તા. ૧૭ઃ જામનગરમાં આજે સવારે પૂરા થતા ચોવીસ કલાક દરમિયાન અઢી ડીગ્રીના વધારા સાથે ન્યુનત્તમ તાપમાન ૧ર ડીગ્રી નોંધાયું હતું. વાતાવરણમાં ભેજનું પ્રમાણ ૧૪ ટકા વધીને ૮૪ ટકાએ પહોંચતા નગરમાં ઝાકળવર્ષા થઈ હતી. ગ્રામ્ય વિસ્તારો તથા ધોરીમાર્ગો પર આજે સવારે ધૂમ્મસનું પ્રમાણ વધારે રહ્યું હતું.

જામનગરમાં તાપમાનના પારામાં સતત ઉતાર-ચઢાવ થઈ રહ્યો છે. એક દિવસ તાપમાન વધે છે તો બીજા દિવસે તેમાં ઘટાડો થાય છે. તાપમાનનો પારો સિંગલ ડિઝિટમાં નોંધાતા કાટિલ ઠંડીથી પ્રજાજનો ધ્રુજી ઊઠ્યા હતાં. નગરમાં શનિવારે સવારે પૂરા થતા ચોવીસ કલાક દરમિયાન અઢી ડીગ્રીના વધારા સાથે ન્યુનત્તમ તાપમાન ૧ર ડીગ્રી અને એક ડીગ્રી વધીને મહત્તમ તાપમાન ર૭ ડીગ્રી નોંધાયું હતું. તાપમાનમાં થયેલા વધારાના પગલે ખાસ કરીને આજે સવારે ઓછી ઠંડી અનુભવાઈ હતી.

જામનગરના વાતાવરણમાં ભેજનું પ્રમાણ ૧૪ ટકા વધીને ૮૪ ટકા રહ્યું હતું, જેના પગલે આજે સવારે ઝાકળવર્ષા થઈ હતી. વાહનો તથા વૃક્ષો પર ઝાકળ બિંદુ બાજી ગયા હતાં. ગ્રામ્ય વિસ્તારો અને ધોરીમાર્ગો પર વહેલી સવારે ધૂમ્મસનું પ્રમાણ જોવા મળ્યું હતું. સૂર્યનારાયણ ઉદીત થયા પછી ધીમે-ધીમે ધૂમ્મસનું જોર ઘટી જવા પામ્યું હતું. પવનની ગતિ પ્રતિકલાકની સરેરાશ ૧૦ થી ૧પ કિ.મી.ની રહેવા પામી હતી.

જો આપને આ પોસ્ટ ગમી હોય તો શેર કરો...