Author: નોબત સમાચાર
જામનગરની સેન્ટ આન્સ સ્કૂલના શિક્ષા ફિએસ્ટામાં અવનવા મોડેલથી થઈ જમાવટ
બડે સચ કે નન્હે સે ખ્વાસ જૈસી થી સભી રચના યહાઁ નાયાબ જૈસીથીઃ
તાજેતરમાં જામનગરની સેન્ટ આન્સ સ્કૂલમાં 'શિક્ષા ફિએસ્ટા' -૨૦૨૬ કાર્યક્રમ યોજાયો હતો.જેમાં ધો. ૧ થી ૧૨ ની કુલ ૧૫૦૦ થી વધુ વિદ્યાર્થિનીઓએ ૨૫૦ થી વધુ અવનવા મોડેલ રજૂ કરી વિકસિત ભારતની થીમ પર આકર્ષક પ્રદર્શન કર્યુ હતું. સિસ્ટર મેનેજ જેસી તથા સિસ્ટર પ્રિન્સીપાલ એલિસની પ્રેરણા તથા શિક્ષકોનાં માર્ગદર્શનમાં વિદ્યાર્થિનીઓએ જામનગરનાં ભુજીયો કોઠો ની કૃતિ રજૂ કરી હતી જે ઘણી પ્રશંસા પામી હતી. આ ઉપરાંત નવા બનેલા સાત રસ્તાથી સુભાષબ્રિજ સુધીનાં ઓવરબ્રીજનું મોડેલ પણ રજૂ થયું હતું. કેન્દ્રીય નાણામંત્રી નિર્મલા સીતારમણ દ્વારા બજેટની પ્રસ્તુતિ કરતો પ્રોજેક્ટ ઘણો કલાત્મક અને કલ્પનાયુક્ત હોય બહોળી પ્રશંસા પામ્યો હતો.વિવિધ ઐતિહાસિક સ્મારકોનાં મોડેલ તેમજ પ્રાચીન - અર્વાચીન સાહિત્યકારો વિશેનો પ્રોજેક્ટ પણ પ્રદર્શિત થયો હતો જેમાં જામનગરનાં સાહિત્યકારોનો પરિચય - કૃતિઓ વગેરે વિગતો પણ પ્રસ્તુત થઇ હતી. સ્વદેશી - વિદેશી સંસ્કૃતિ તથા વિજ્ઞાન અને કલા તમામ ક્ષેત્રનાં અવનવા મોડેલ રજૂ થતા જમાવટ થઇ હતી. કાર્યક્રમમાં સેન્ટ ઝેવિયર્સ સ્કૂલનાં મેનેજર ફાધર સાયરીક કેનેઝહેથ, વાઇસ પ્રિન્સીપાલ ફાધર મનુ સી.વી.,સેન્ટ ફ્રાન્સીસ સ્કૂલનાં પ્રિન્સીપાલ ફાધર સાજી મેથ્યુ, વાઇસ પ્રિન્સીપાલ ફાધર જીજો થોમસ, સેન્ટ આલફોન્સા કોન્વેન્ટનાં સિસ્ટર ડોરીસ સહિતનાં અતિથિ તરીકે ઉપસ્થિત રહૃાા હતા અને વિદ્યાર્થિનીઓનાં ઉત્તમ પ્રયાસને બિરદાવ્યો હતો. હજારો વાલીઓ ઉપરાંત બહોળી સંખ્યામાં જનતાએ 'શિક્ષા ફિએસ્ટા' ની મુલાકાત લઈ સમગ્ર પ્રદર્શનની પ્રશંસા કરતા વિદ્યાર્થિનીઓની મહેનત રંગ લાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
