Author: નોબત સમાચાર
રસ્તામાં પાણા ખોડવા મુદ્દે પિતા-પુત્ર દ્વારા વસઈના યુવાન પર કરાયો હલ્લો
સમજાવટ કરવા ગયા ત્યારે ઝીંકી દેવાયો પાઈપઃ
જામનગર તા. ૯: જામનગર-ખંભાળિયા રોડ પર સિક્કા પાટીયા નજીક આવેલી એક હોટલ પાસેના ખેતરમાં ગયા રવિવારે બપોરે એક યુવાનને બે શખ્સે રસ્તામાં પાણા ખોડવાની બાબતે ગાળો ભાંડ્યા પછી સમજાવટ કરવા ગયેલા વસઈના યુવાનને પણ ગાળો ભાંડી પાઈપ ફટકારવામાં આવ્યો હતો.
જામનગર-ખંભાળિયા ધોરીમાર્ગ પર વસઈ ગામમાં રહેતા અજયસિંહ પ્રભાતસિંહ જાડેજાના સંબંધી ગંભીરસિંહ જાડેજા સિક્કા પાટીયા નજીક આવેલા અજયસિંહના ખેતરે રવિવારે ગયા હતા જ્યાં તેઓને વસઈ ગામના રણજીતસિંહ ગુલાબસિંહ જાડેજા તથા તેમના પુત્ર હરદીપસિંહે રસ્તામાં પાણા કેમ ખોદ્યા છે? તેમ કહી બોલાચાલી કરી હતી.
ત્યારપછી ગાળો ભાંડી પતાવી દેવાની ધમકી અપાતા ગંભીરસિંહે પોતાના ઘરે જઈ અજયસિંહને તેની વાત કરી હતી આથી સમજાવટ કરવા ગયેલા અજયસિંહને પણ ગાળો ભાંડી રણજીતસિંહે પાઈપ ફટકાર્યાે હતો અને હરદીપસિંહે છરી બતાવી જાનથી મારી નાખવાની ધમકી આપી હતી. સિક્કા પોલીસે પિતા-પુત્ર સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
