Author: નોબત સમાચાર
દ્વારકા જિલ્લાના મીડિયાકર્મીઓ માટે હેલ્થ ચેકઅપ કેમ્પ
ઈન્ડિયન રેડક્રોસ સોસાયટી અને માહિતીખાતાના સંયુક્તક્રમે
મીડિયાકર્મીઓના આરોગ્યની સંભાળ લેવા માટે રાજ્ય સરકાર દ્વારા સમગ્ર રાજ્યમાં હેલ્થ ચેકઅપ કેમ્પનું આયોજન કરવામાં આવી રહ્યું છે. આ અનુસંધાને દેવભૂમિ દ્વારકા જિલ્લામાં રેડક્રોસ સોસાયટી અને માહિતી વિભાગના સંયુક્ત ઉપક્રમે મીડિયાકર્મીઓ માટે નિઃશુલ્ક આરોગ્ય તપાસ કેમ્પનું આયોજન કરવામાં આવ્યું હતું. ખંભાળીયામાં જલારામ મંદિરમાં યોજાયેલા આ કેમ્પમાં પ્રિન્ટ અને ઈલેકટ્રોનિક મીડિયાના સ્થાનિક પ્રતિનિધિઓએ ભાગ લીધો હતો. આ કેમ્પમાં વિવિધ બ્લડ ટેસ્ટ તેમજ ૩૫ વર્ષથી વધુ વયના પત્રકારો માટે ઈ.સી.જી. અને એકસ-રે ટેસ્ટ કરવામાં આવ્યા હતા. આ કેમ્પને સફળ બનાવવા માટે દેવભૂમિ દ્વારકા જિલ્લા માહિતી કચેરીની ટીમ તેમજ ઈન્ડિયન રેડક્રોસ સોસાસટી દેવભૂમિ દ્વારકાના ચેરમેન કિરીટભાઈ મજીઠીયા તેમજ સોસાયટીના સભ્યો તથા કર્મચારીઓએ જહેમત ઉઠાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
