'યુદ્ધ વિરામ ઈચ્છતો નથી' ના નિવેદનો પછી યુદ્ધ સમાપ્ત કરી દેવાનું વિરોધાભાષી નિવેદન

Author: નોબત સમાચાર

'યુદ્ધ વિરામ ઈચ્છતો નથી' ના નિવેદનો પછી યુદ્ધ સમાપ્ત કરી દેવાનું વિરોધાભાષી નિવેદન

યુએસ પ્રેસીડેન્ટ ડોનાલ્ડ ટ્રમ્પ ગોટાળે ચડયા...!

વોશિંગ્ટન તા. ૨૧: ઈરાન યુદ્ધ અંગેના ઉકેલ માટે અમેરિકાને કશું સૂઝતું નથી . ઈરાન સામેના યુદ્ધમાં અમેરિકા હવે ફસાઇ ગયું છે છે. તે કયારેક આગળ વધવાનું વિચારે છે, કયારેક પાછળ હટવાનું ખરેખર, ડોનાલ્ડ ટ્રમ્પ કયારેક ઈરાન યુદ્ધનો અંત લાવવા માંગે છે અને કયારેક નથી ઇચ્છતા. એક કલાકની અંદર, યુએસ પ્રમુખ ડોનાલ્ડ ટ્રમ્પે ઈરાન સાથે ચાલી રહેલા યુદ્ધ પર બે મહત્ત્વપૂર્ણ નિવેદનો આપ્યા. આ નિવેદનો એકબીજાથી વિરોધાભાસી છે. પ્રથમ, તેમણે સ્પષ્ટપણે કહૃાું કે તેઓ ઈરાન સાથેના યુદ્ધમાં યુદ્ધવિરામ ઇચ્છતા નથી. જો કે, થોડા સમય પછી, તેમણે કહૃાું કે ઈરાન યુદ્ધનો અંત આવવો જોઈએ. ઈરાન અને અમેરિકા અને ઇઝરાયલ વચ્ચે યુદ્ધ ૨૮ ફેબ્રુઆરીથી ચાલી રહૃાું છે.

યુએસ પ્રમુખ ડોનાલ્ડ ટ્રમ્પે ઈરાન સાથે યુદ્ધવિરામની શકયતાને ફગાવી દીધી, અને કહૃાું કે યુદ્ધના મેદાનમાં વોશિગ્ટનનો હાથ ઉપર છે, પરંતુ તે તેની લશ્કરી કાર્યવાહી બંધ કરવા તૈયાર નથી. ટ્રમ્પે વારંવાર કહૃાું છે કે ઈરાને બિનશરતી શરણાગતિ સ્વીકારવી જોઈએ અને તે નબળી ડીલને સ્વીકારશે નહીં. યુએસ પ્રમુખ ટ્રમ્પનું નિવેદન એવા સમયે આવ્યું છે જ્યારે ઈરાનના નવા સર્વોચ્ચ નેતા, મોજતબા ખામેનીઈએ ઈરાન માટે વિજયનો દાવો કર્યો છે.

ડોનાલ્ડ ટ્રમ્પે વ્હાઇટ હાઉસમાં મીડિયા સાથે વાત કરી હતી. આ દરમિયાન, તેમણે કહૃાું, આપણે વાટાઘાટો કરી શકીએ છીએ, પરંતુ હું યુદ્ધવિરામ ઇચ્છતો નથી. જ્યારે તમે બીજી બાજુ તમે નાશ કરી રહૃાા છો ત્યારે તમારી પાસે યુદ્ધવિરામ નથી... અમે તે કરવાનું વિચારી પણ રહૃાા નથી. તેમણે ભારપૂર્વક જણાવ્યું હતું કે અમેરિકા હાલમાં મજબૂત સ્થિતિમાં છે અને ઈરાન ભારે નુકસાન સહન કરી રહૃાું છે. આમ, ડોનાલ્ડ ટ્રમ્પે કહૃાું કે ઈરાનની સેના લગભગ નાશ પામી છે, તેથી હવે અટકાવાનો કોઈ અર્થ નથી.

પરંતુ થોડા સમય પછી, ડોનાલ્ડ ટ્રમ્પે યુ-ટર્ન લીધો. તેમણે પોતાનું વલણ બદલ્યું અને કહૃાું કે યુદ્ધ હવે સમાપ્ત થવું જોઈએ. ડોનાલ્ડ ટ્રમ્પે કહૃાું કે તેઓ ઈરાન યુદ્ધ સમાપ્ત કરવાનું વિચારી રહૃાા છે. તેમણે કહૃાું કે અમેરિકા તેના ઉદ્દેશ્યો પ્રાપ્ત કરવાની ખૂબ નજીક આવી રહૃાું છે. તેથી, અમેરિકા ઈરાન યુદ્ધમાં તેની લશ્કરી કાર્યવાહી ઘટાડવાનું વિચારી રહૃાું છે. જો કે, તેમણે હોર્મુઝ સ્ટ્રેટનો ઉપયોગ કરતા દેશોને જરૂર મુજબ તેને સુરક્ષિત કરવા વિનંતી કરી. આ પરિવર્તન આશ્ચર્યજનક છે કારણ કે થોડા કલાકો પહેલા, તેઓ યુદ્ધવિરામની વિરુદ્ધ હતા.

ડોનાલ્ડ ટ્રમ્પે હોર્મુઝ પર અમેરિકાનું વલણ સ્પષ્ટ કર્યું. તેમણે કહૃાું કે હોર્મુઝ સ્ટ્રેટનો ઉપયોગ કરતા અન્ય દેશોએ જરૂર મુજબ તેનું રક્ષણ અને સુરક્ષા કરવી જોઈએ, અમેરિકાએ નહીં. તેમણે ઉમેર્યું, જો અમને પૂછવામાં આવે તો, અમે આ દેશોને હોર્મુઝમાં તેમના પ્રયાસોમાં મદદ કરીશું, પરંતુ ઈરાની ખતરો દૂર થયા પછી આ જરૂરી ન હોવું જોઈએ.

નોંધનીય છે કે ઈરાન યુદ્ધ ૨૮ ફેબ્રુઆરીએ શરૂ થયું હતું. તે દિવસે, અમેરિકા અને ઈઝરાયલે સંયુકત રીતે ઈરાન પર હુમલો કર્યો હતો. ઈરાનના સર્વોચ્ચ નેતા, આયાતુલ્લાહ અલી ખામેનીઈ માર્યા ગયા હતા. અમેરિકા અને ઈઝરાયલે ઈરાનના પરમાણુ સુવિધાઓ પર પણ હુમલો કર્યો હતો. ત્યારબાદ ઈરાને બદલો લેવા માટે હુમલા શરૂ કર્યા હતા, જેના કારણે ગલ્ફ ક્ષેત્રમાં તણાવ વધ્યો હતો. ઈરાન યુદ્ધને કારણે તેલના ભાવ આસમાને પહોંચ્યા છે અને હોર્મુઝ સ્ટ્રેટમાં ખતરો છે. ડોનાલ્ડ ટ્રમ્પ યુદ્ધ સમાપ્ત કરવાના સમય અંગે પહેલાથી જ ઘણાં યુ-ટર્ન લઈ ચૂકયા છે.

જોકે યુનાઇટેડ સ્ટેટ્સે હજુ સુધી ઔપચારિક રીતે ખસી જવાની જાહેરાત કરી નથી, ટ્રમ્પની નવીનતમ પોસ્ટ સંભવિત વ્યૂહરચના તરફ સંકેત આપે છે. યુનાઇટેડ સ્ટેટ્સ એવી વ્યૂહરચના અપનાવી શકે છે જે વ્યૂહાત્મક પ્રભુત્વ જાળવી રાખે છે અને ફ્રન્ટલાઈન પર તેની હાજરી ઘટાડે છે.

જો આપને આ પોસ્ટ ગમી હોય તો શેર કરો...